كشف الفنان حسين حجاج حقيقة خلافه مع الفنان محمد هنيدي، مشيرا إلى أن هنيدي قال له «مينفعش نشتغل مع بعض تاني».
وأضاف حسين حجاج خلال حواره مع الإعلامية إنجي هشام في برنامج المنسي عبر قناة هي، اليوم، أن «مش زعلان من هنيدي كل الحكاية أن كان في لقاء تليفزيون وقالو لي مبيسألش عليك قولتلهم مبيسألش أنا اشتغلت معاه فيلم صعيدي في الجامعه الأمريكيه وكان فيلما ناجح جدًا».
وأوضح: «مرة قابلته بعدها بسنة أو اتنين قولتله إيه إنت نسيتني ليه؟ قالي مينفعش نشتغل مع بعض تاني قولتله طب ليه قالي أصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض».
واستكمل: «لقيت كلامه مش منطقي الناس لما بتلاقي حد ناجح في مشهد بتجيبه، لكن ده بيقول العكس لكن أنا مش زعلان منه ولا حاجه هو حر، أنا معرفش هوا جواه إيه أنا قابلته ساعتها في هيلتون رمسيس وكان معاه ساعتها الأستاذ هاني رمزي وأنا كنت رايح أسلم على هاني رمزي».