وجهت الاعلامية رضوى الشربيني رسالة للراجل الخاين وللسيدات، وذلك من خلال برنامجها هي وبس.
رضوى الشربيني توجه رسالة نارية
قالت رضوى لشربيني للراجل الخاين:” ليه لما بتنتهي الحكاية يتقال عليك خاين أو مخادع أو راجل غدار..كل بنت انت بتدخل معاها في علاقة أو بتديها كلمه أو بتديها أماني وبعدين ما بتنفذش كلامك وتكتشف البنت انك مخادع ده ذنبه عند ربنا كبير جرح قلوب البنات مش سهل “.
وأضافت :” اختاروا اللي تليق علي حياتكم اختاروا اللي تليق علي شخصيتكم..في واحده تقبل انك تتجوز عليها واحده تانيه لا..لو انت من الرجالة اللي عاوزه تتجوز مثني وثلاث اختار الست اللي تقبل ده ليه تختار ست مش قابله ده “.
وتابعت: ” لما بتعرف واحده واتنين وتلاته وخمسة علي بعض في نفس الوقت هما مش بني آدمين زيك عندهم مشاعر وكرامه وكبرياء “.
رضوى الشربيني توجه رسالة للسيدات
ووجهت ايضا رسالة للسيدات قائلة: ” الست أو البنت مسئولة اكتر من الراجل الخاين أو المخادع في العلاقة كنتي فين وهما بيهمل فيكي لازم تتعلمي تقولي لا ولازم لما تقولي لاء تبقي لا “.