مبقاش فارق معايا.. بـ هذه الجملة ردت الإعلامية المثيرة للجدل رضوى الشربيني على من يصفها بـ «الحرباية» و«خراب البيوت»
وقالت: «مابقـاش فـارق معايـا مـن زمـان ميـن بيقـول عليـا إيـه و لا ميـن شـايفنى إزاى .. لكـن بعـد مـا شوفت التعليقـات علـى العنـوان الغريـب ده ، بحمـد ربنـا علـى حـب النـاس دى كلهـا ومـش عايـزه مـن الدنيـا أكـتـر مـن كـده ، ألف شكر على كل كلمـة حلـوة اتقالت في حقي».
رضوى الشربيني تنفعل على الهواء: أنا منفصلة وسعيدة
وعلى سياق آخر قد انفعلت الإعلامية رضوى الشربيني من قبل والسبب يرجع لـ سؤال إحدى المتابعات، وكتبت في نهاية سؤالها ملحوظة «أنا منفصلة»، في إشارة منها لكونه عيباً فيها.
وردت على سؤالها، خلال حلقة اليوم الجمعة من برنامجها «هي وبس»، المذاع عبر شاشة «cbc سفرة»، أنها منفصلة هي الأخرى، وأنها لا تعتبر ذلك عيبا بل دليلا على القوة، معلقة: “أنا منفصلة.. منفصلة دي يعني عندك عيب؟ ناقصك حاجة؟ أنا رضوى الشربيني منفصلة، وبشتغل وباخد بالي من بناتي وصحابي، وعايشة وكويسة ومبسوطة وراضية وشاكرة ربنا، ما تتجوزي مرة واتنين وتلاتة مش حلال ربنا؟”.
أضافت: «مش عاوزة واحدة فيكم تقول جملة “أنا منفصلة” بالطريقة دي تاني، إحنا هنرضى بقليلنا يعني عشان منفصلين؟ أنا منفصلة عشان مقبلتش على نفسي حاجة ناس غيري قبلتها.. أنا أقوى إني قلت لا».
أردفت: «أنا منفصلة ومحدش يقدر يتكلم عليا لأني ست محترمة، وبعد كده بيبقى أحسن وأجمل وأقوى، انفصلي وعيشي ولو لقيتي ابن الحلال تاني تمام، ملقتيش تمام».