وجه رضا عبد العال لاعب منتخب مصر السابق، نصيحة للثنائي منتخب مصر أكرم توفيق، ومحمود حمدي الونش، بعد مباراة منتخبنا أمام منتخب نيجيريا، والتي خسرها الفراعنة بنتيجة هدف دون رد في المباراة التي جمعت بينهما في الجولة الأولى من دور المجموعات ببطولة الأمم الإفريقية.
تصريحات رضا عبد العال بعد هزيمة منتخب مصر
وقال عبد العال لـ أكرم توفيق والونش ” عايز أقول نصيحة لأكرم والونش، اللي انتوا بتعملوه في الدوري مش هينفع مع اللاعيبة بتاعة إفريقيا، حكاية إنك يا أكرم تدافع وتفتح صدرك والحكم يلحقك ويديلك فاول ده مش هيمشي في ماتشات المنتخب، النهارده اللاعب بتاع نيجيريا عايز يعدي منك، سيبه يجيب آخره اللي هيكون عبارة عن أوفر، وإنت هتحط رجلك بعدها والموضوع هيخلص”.
وتابع “طبعاً انت عايز تبين للناس إنك أقوى منه، والنتيجة إنك اتصابت بس مش إنت اللي خسرت، مصر اللي خسرت، الناس دي عايز تلاعبها لاعبها بالمهارة مش بالقوة”.
ووجه نفس الكلام للونش مدافع متنخب مصر “حكاية إنك تاخد الكورة وتدي ضهرك للاعب ده مش هينفع، ده ينفع في الدوري المصري لما الحكم يلحقك ويدلك فاول لكن برضو مش هينفع في إفريقيا”.