كشفت الفنانة رحمة حسن لمتابعيها تطورات حالتها الصحية بعد تعرضها لعضة كلب تخصع على آثرها للعلاج، وكتبت عبر حسابها الخاص بموقع التواصل الاجتماعي لتبادل الصور والفيديوهات «انستجرام».
«انا حقيقي تعبانة ومتأزمة جدا.. وکوابیس ومش عارفة حتي اقرب من القطة بتاعتي وألعب معاها لاني خايفة عليها لحد ما اخلاص العلاج».
وأضافت رحمة: «النهاردة اخدت الجرعة التانية و لسه هكمل طبعا ده غير وجع الجرح حقيقي .. اللي عوزة اقوله ان فعلا لو بعد شهر ما حصلش حاجه تخص الكلب و علاجه و تغیر سلوكة و عدم نزوله بدون كمامة».
وتابعت: «انا هروح اخد موقف قانوني لاني فعلا تعبانة جسديا و نفسيا جدا جدا . خايفة جدا يحصل ده لحد تاني و اكون انا السبب اني ماخدتش موقف».
View this post on Instagram
رحمة حسن: الحمد لله أنا كويسة والكلب كويس.. واطمنت على الجرح
كشفت الفنانة رحمة حسن، عبر حسابها الخاص بموقع التواصل الاجتماعي لتبادل الفيديوهات والصور «إنستجرام»، عن التطورات الأخيرة الخاصة بحالتها الصحية بعد عضة الكلب.
وكتبت رحمة حسن قائلة: «أنا متشكرة جدا لاهتمامكم ولكل الناس اللي كلمتني تطمن عليا، وآسفة إني ماقدرتش أرد على معظم الناس لأني كنت تعبانة ومش قادرة أتكلم، أنا رحت المستشفى النهارده وكشفت عند جراح متخصص وهو غيَّر على الجرح وعمل اللازم والحمد لله طمني، وقالي أتابع معاه الفترة الجاية وإني هاكون كويسة إن شاء الله والجرح هاياخد وقته وهايخف».
وأضافت رحمة قائلة: «بالنسبة للكلب فاحنا اتكلمنا مع صاحبته وطلبنا منها توديه مركز تأهيل وتدريب علشان تعدل سلوكه، وتبعت لنا الورق الرسمي اللي بيثبت إنها ودت الكلب فعلا، وإلا هاعمل محضر.. وساعتها الكلب اللي هايتضر، ودي حاجة ماترضيش حد، وهي كانت متفاهمة جدا ووافقت وقالت إنها هاتعمل كدا أول الشهر الجاي، علشان أخوها اللي هايوديه ويتولى مسؤوليته، الحمد لله أنا كويسة والكلب كويس».
واختتمت رحمة قائلة: «أتمنى أن صاحبة الكلب تصدق في كلمتها وتودي الكلب فعلا مركز تعليم ويبقى كويس».
View this post on Instagram
رحمة حسن تتعرض للعض من كلب شرس: عضني في منطقة حساسة والجرح بينزف
تعرضت الفنانة رحمة حسن، للعض من كلاب ضخم أثناء نزولها من المنزل لشراء بعض احتياجاتها، ولم تستطع الفرار منه وهاجمها على الفور واستطاع النيل منها، مشيرة إلى أن حالتها الصحية في تدهور بعد العضة.
وكتبت رحمة حسن، عبر حسابها الرسمي بموقع التواصل الاجتماعي “إنستجرام”: “مساء الخير..امبارح الساعة ١١ بليل كنت نازله اجيب حاجه من السوبر ماركت جمب البيت ،وكنت ماشيه علي الرصيف وكان في عربيه بتركن جمبي عادي ، فجاه الباب اتفتح ولقيت كلب (جيرمن شيبرد) تقريبا مَش متاكده اوي ، بيهجم عليه بكل قوته ،طبعا حاولت اجري لكن للأسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضة كبيره وغويطه بنابه في منطقه حساسة . صاحبه الكلب كتر خيرها اخذتني فورا علي مستشفي امبابه ، ادوني حقنه تطعيم الكلب ولسه فاضلي ٤ هاخدهم خلال شهر، بس المشكلة ان من امبارح الجرح بينزف دم كتير ،وانا طبعا خايفة ومصدومة”.
رحمة حسن تتعرض للعض من كلب شرس
وأضافت: “وتعبانه وعندي تروما من امبارح ، والي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتاذي، بس كمان مَش عايزه اي انسان كمان يتاذي ويتعض ويتبهدل في الشارع زيي .. انا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه ، امبارح صاحبت الكلب قالتلي متخافيش هو عض ولادي قبل كدا وتمام محصلش حاجه ! طبعا انا اتصدمت لما عرفت انها مَش اول مره الكلب يعض حد ومع ذلك هي سايباه عادي في الشارع منغير كمامه او حد قوي يمسكه .. بجد حرام عليكم ، الكلب لما بيكون حجمه كبير وشرس بيعتبر سلاح ،وصاحبه مسؤل مسؤليه كامله عنه ويحاسب علي اهمال مسؤليته ، خصوصا لو اهماله تسبب لشخص تاني في اذي بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف”.
واختتمت رحمة حسن: “انا كنت بحب انزل احط اكل ومايه للكلاب والقطط تحت البيت، دلوقتي انا حقيقي مرعوبة اقرب منهم وخايفه جدا..انا اسفه طولت عليكم بس انا بجد مَش عارفه المفرود اعمل ايه عشان محدش تاني يتأذي”.
View this post on Instagram