تصدر مطرب المهرجانات، حسن شاكوش ليكون الأكثر بحثا جوجل، وظهر شاكوش في بث مباشر مساء أمس الثلاثاء، نفى خلاله ما انتشر من أخبار حول واقعة القبض عليه، بسبب التعدي على زوجته ريم طارق أثناء تنفيذها قرار تمكين من مسكنها بمدينة 6 أكتوبر.
شاكوش نفي ما تردد من أخبار حول القبض عليه، بسبب زوجته قائلاً: «اللايف ده من البيت عندي، أمي وأخواتي عندي النهاردة، ولما بيكونوا معايا في البيت، بحس إن أنا في عيد».
وأضاف : «إحنا جامدين ومفيش إلا إحنا»، وعلق على شائعة القبض عليه قائلاً: «لما تكتب خبر ياريت يكون من مصدر موثوق جدًا، أنا الحمد لله لا تربيتي ولا إمكانياتي تقول إني أبهدل بنات الناس معايا، أو أجرحهم بأي كلمة وحشة، لأن أي بنت عمومًا ممكن تتوجع من نظرة وحشة».
وتابع حسن شاكوش في البث المباشر: «أنا تربيت على ضرورة احترام بنات الناس، وعمري في حياتي لا ضايقت ولا زعلت حد ولا عملت مشكلة مع حد، ولو فيه حد طلع قال إني عملت مشكلة مع بنت أو اتعاملت مع بنت معاملة وحشة، يبقى ده بيسوء سمعتي أمام جمهوري».
وأشار حسن شاكوش إلى أن: « ربنا شايف كل حاجة.. وربنا ينتقم من الظالم في ميدان عام».