تحدث الفنانة رانيا يوسف عن مسلسلها بقينا اتنين، والذي تم عرضه في النصف الثاني من شهر رمضان المبارك، وذلك خلال حلولها ضيفة على برنامج سهرة DMC.
وقالت رانيا يوسف: «لو مسلسل بقينا اتنين كان اتعرض برة رمضان كان هيتشاف أحسن خاصة أنه عمل اجتماعي والأعمال الاجتماعية نتشاف برة رمضان افضل ولكن كل حاجة ليها توقيت عرض، عن الشبه بينها وبين شخصية ياسمين في مسلسل بقينا اتنين: ياسمين شايلة مسؤولة العيلة شبهيي وهو ده دور الست دايما، احنا شايلين شيلة محترمة أما الراجل مش بيجيب غير فلوس بس وده ضغط عليها زيادة عن اللزوم وهو اللي بيخلق مشاكل كبيرة بين الزوج والزوجة وبيخلي حياتهم مش سعيدة».
رانيا يوسف: غلطت إني اتجوزت بدري بس كان نفسي أبقى أم
متابعة: «لازم شريك الحياة يغذي الست بالدلع والخروج والهدايا والحنية ومشكلة الرجل الشرقي أنه تقوليله انك مقصر.. بتوجعه أوي، وياريته بيصلح لا ده بيعاند اكتر وبيقصر اكتر لحد ما الست تبقى شايلة وتقرر أنه لا خلاص مش هكمل ويوصل الموضوع للانفصال».
مختتمة حديثها: «غلطت إني اتجوزت بدري بس كان نفسي أبقى أم.. واصعب فترة في حياتي أما عيالي اتولدوا ومتفقة مع بناتي أنه مفيش جواز قبل سن 30 ولازم فترة الخطوبة تبقى طويلة، ولو بنتي مش سعيدة في حياتها هحاول أصلح ولو منفعش ممكن يتطلقوا عادي، وده مش تشجيع على خراب البيوت ولكن احسن ما ولادهم يتأثروا من أنهم مع أب وأم مش سعداء».