قالت النجمة رانيا يوسف، بحب سعاد حسني فى “خلى بالك من زوزو “.. وفاتن حمامة فى “سيدة القصر” و شادية فى “المرأة المجهولة”.. و الملابس جزء من “الشو الإعلامي” للممثل..”وبناتي تختار لى الأحدث”.. و بحب لما ادخل مكان الناس تشوفني وتبص علي.. و أزواجي السابقيين حاولوا استخدامي ك شو إعلامي والكل كان يراني من الخارج.. و زواجى الثاني:”كان هباب الطين”.
وعن مسلسل “الأنسة فرح” والذى يتناول قضية نسائية وهى تلقيح إحدى الفتيات عن طريق الخطأ فتصبح “حامل” وهى عذراء، علقت : “ممكن لقدر الله أنها تحصل.. هعمل زى ما عملت دلال في المسلسل بالظبط، وبالنسبالى بحب الأطفال معنديش مشكلة، ونفسى افتح حضانة”.
وأضافت خلال لقائها مع الإعلامية لميس الحديدى، : “بناتى مش بيخبوا عنى حاجة ومش بيكدبوا عنى نهائيا، وبيخافوا على زعلى وأحنا صحاب.. وعلاقتهم مع والدهم محمد مختار مقطوعة من 10 سنين وبناء على رغبت وشافهم مرتين بس، ومش بيصرف عليهم .. والمشكلة أنى بشتغلى فبيقولى شيلى وهو مطمن أنى بصرف عليهم كويس، ولازم يبقى فيه قانون سريع ضد من يهمل أطفاله”.