صرحت الفنانة المصرية راندا البحيري أسباب ابتعادها عن الفن لفترة طويلة، وصلت لما يقرب من 13 سنة.
راندا البحيري كتبت، على حسابها الرسمي بموقع “الفيس بوك”: “شخص من ١٣ سنه و هو بيحاول يقف في رزقي و أكل عيشي.. إتصل ب مخرجين مصر كلهم اللي اشتغلت معاهم بالذات و اي مسلسل أو فيلم باجي اشتغل فيه بيقف في طريقي فيه و بيتصل بالمخرج او الانتاج و قسماً بالله العظيم و حياة الأيام المفترجه دي عمل كده عشرات المرات و منهم مرات قدامي انا شخصياً كنت بكون موجوده و بعمل بروفه ل مسلسل ما و الاقيه بيتصل بالكاست و انا قاعده معاهم و بسمع المكالمه كامله”.
وأستكملت: “مش عايزني يبقي ليا ظهور و لا عايزني اكمل شغل ده حتي لما جيت اشتغل شغلانه تانيه و اعمل بيزنس خالص بيا وقفلي فيه وحاول يخرجني منه و يدخل هو شريك بدالي وماشي في كل حته يتباهي ب شغله القديم و فاكر ان الناس هتخاف منه.. وللاسف فيه فعلا ناس كبرت دماغها مع ان هو ميقدرش يعمل حاجه و كله كلام علي الفاضي”.
وأضافت: “انما بالفعل قعدت من شغل كتير اوي و في عز الوقت اللي كنت فيه اقدر اشتغل انا فلت ب مسلسل سلسال الدم و مسلسل حالة عشق و حاجات تانيه بسيطه في خلال ال ١٣ سنه دول علشان مكانش عارف يشيلني منهم وقسما بالله العظيم حاول والتليفونات كانت بتبقي قدامي بس معرفش واتجنن اما اشتغلت في ٢٠١٦ و كان عايز يعمل فيا اي حاجه”.
واختتمت كلامها، بقولها: “انا علي اد منا اكيد كارهه الشخص اللي واقف في رزقي و حاول يضايقني كده. .علي اد منا متضايقه اكتر من اللي ساعدوه.. والشركات المصريه الكبيره اوي .. اللي فيها ناس صغيرين اوي سمعوا كلامه”.
آخر أعمال راندا البحيري
والجدير بالذكر أن آخر مشاركات راندا البحيري بفيلم “دولارات دولارات” عام 2023 وسط مشاركة عدد من نجوم السينما المصرية وهم الفنان نضال الشافعي، الفنانة منة فضالي، الفنان صلاح عبدالله، الفنانة هالة فاخر، تأليف طارق رمضان، إخراج محمد خضري