حرصت الفنانة راندا البحيري على دعم الفنانة شيرين عبد الوهاب في أزمتها الأخيرة، وذلك بعد حجزها في أحد مستشفيات الصحة النفسية بالقاهرة خلال الساعات القليلة الماضية، والتفاصيل التي كشفها شقيقها عن تعاطيها المخدرات مع الفنان حسام حبيب.
وجهت راندا البحيري رسالة مؤثرة تدعم بها شيرين عبد الوهاب، وذلك عبر حسابها الشخصي بموقع التواصل الإجتماعي «فيسبوك».
ونشرت راندا، مقطع فيديو لها ظهرت فيه باكية، وقالت فيه:« أتمنى تكوني كويسة.. أنا متعلقة بشيرين، أول مرة زعلت من شيرين أوي لما قالت إنها هتعتزل اليوم ده، كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها، ده مش حقها لأنها بتاعتنا بتاعة المصريين».
وتابعت: «ليه ده أنا هتمنى اسمع صوت شيرين تاني، قعدت أقول يارب يطلع الكلام ده مش صح، أنا دلوقتي بتمنى أن إنتي تكوني عارفة غلاوتك ومقدارك عند الناس، لأن من الواضح أنتي متعرفيش خالص أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان تعيش في الدنيا».
وأردفت راندا البحيري: «حُب الناس حاجة كبيرة جدًا تخلي الواحد مبسوط، ويقدر يقف قدام مرض وأي حاجة وحشه وتزعل على زعلها.. أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل.. هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك».