رامي رضوان/ كشف الإعلامي عن موقف يتسم بالغرابة بدر من أحد الصحفيين أثناء تشيع جثمان الفنانة الراحلة دلال عبدالعزيز صبا الاحد الموافق 8 أغسطس من الشهر الجاري.
رامي رضوان يكشف تعدي صحفي على حارس مقبرة دلال عبدالعزيز لـ سبب صادم
وقال رامي رضوان فير برنامجه “مساء دي ام سي”:”حدث موقف غريب من صحفي أثناء تشيع جثمان الراحلة مدام دلال، والحقيقة انا استغربت جدًا من تصرفه الذي لايليق بمهنة الصحافة، فبعد دفن مدام دلال كان عاوز ينزل المقبرة ويصورها من جوه، وانا معرفش ايه الافادة من كده، المهم حارس المقبرة منعهلكن بكل احترام بردو، بس هو لم يتقبل الموقف وراح جايب شومة وعاوز يضربه بيها عشان يدخله”.
واستنكر رضوان من تصرف الصحفي، قائلًا:”بجد انا مش فاهم ايه اللي بيحصل ولا ايه الغرض من اني اصور جثة ميت، يكفي اني انقل الحدث فقط بدون ما اجرح حرمة الميت”.
رامي رضوان يكشف سبب إلقائه هاتف امرأة في جنازة دلال عبدالعزيز: “استفزتني”
كما وضح رامي رضوان سبب إلقائه هاتف سيدة في جنازة دلال عبدالعزيز، قائلًا:”يعلم الله لا هزود ولا هنقص، أنا كنت خارج من المدفن علشان أطلع أخد العزاء ما كنتش عارف أخرج من الزحمة وفي ست بتزقني علشان تدخل قالت لي عاوزة أدخل علشان بحبها أوي وعاوزة ادعيلها، قلت لها مش هتعرفي ومفيش مكان قلت لها ادعيلها من هنا”.
وأردفت:”ببص يمين لقيت اللي كانت بتدعي إنها بتحبها وعاوزة تقرأ لها الفاتحة بتصور وبتحاول تاخد أي لقطة، هل دي لحظة تستدعي الكذب، ولا إراديا اتعصبت ورميت التليفون منها، وقلت لهم حرام عليكم احترموا اللي إحنا فيه”.
وأضاف:”بعدها لقيتها معدية قلت لها لقيتي تلفونك واعتذرت لها وقلت لها بس ما يصحش اللي حصل ولازم تقدري الموقف، هي سيدة مش فتاة هي في الأربعينات أو الخمسينات”.