أعلن المطرب رامي جمال، عن تحضيره لأغنية دينية جديدة من المقرر طرحها في شهر رمضان القادم 2024.
وكشف رامي جمال، عن موعد طرحها قائلًا :”عندي أغنية هنودع بيها رمضان هتنزل في آخر 15 يوم إنشاء الله”.
وأضاف رامي جمال، عن ألبومه الجديد قائلًا :”عندي ألبوم في العيد وكنت محتاجه يكون في الشتاء وأعكنن عليكم، ولسة بادئ الإنتاج فبجرب، والشعب العربي شعب حساس والأغاني الدراما عبارة عن حكايات حصلت ودايمًا ليها وجود في قلب الجمهور وبندوس على الجرح”.
وتابع رامي جمال، قائلًا :”الحمد لله شوفت رد الفعل حلو أوي وأنا لسة طماع في حاجات كتير”.
وتطرق رامي جمال، بالحديث عن المطرب النقاش أحمد سالم، الذي يعتبر أول من أسقط الضوء على موهبة قائلًا :”أحمد في الوقت اللي قررت فيه أنتج له كان هو مضى مع حد تاني، وأنا صعب أبدأ معاه وهو مضى مع حد تاني، ربنا يبارك له وأنا مكنتش مستني من وراه فلوس أنا كنت هصرف فلوس، وهو مكنش مرتاح ليا في الوقت اللي أنا كنت متحمس له، وقرر وهو معايا يتعاقد مع حد تاني، ودي حاجة لا تعيبه وربنا يكرمه”.
آخر أعمال رامي جمال
سبق وطرح رامي جمال، أغنية بعنوان “دوخناك يا فراق”، ديو مع زوجته ناريمان، والتي عرضها عبر قناته الرسمية على موقع تبادل الفيديوهات الشهير “يوتيوب”.
أغنية “دوخناك يا فراق”، كلمات أحمد عز، ألحان محمود انور، توزيع محمد مجدي.
وتقول كلمات الأغنية :”يا فراق تعالي.. رجعتنا ومحصلش جديد.. زعلنا اهو بيكبر ويزيد بقينا نستحلي الوجع وبقينا بندور عليه.. يا فراق تعالي.. مفيهاش المره دي رجوع.. ملك ايديك أنا هبقي طوع نفسنا وياك انقطع بنروح ف ايه ونرجع ف ايه.. دوخناك يا فراق.. معلش احنا الاتنين اسفين ومفيش عِشره وخوف من بكره هيعملوا فيك أسافين.. وبوصيك لو يوم حنينا.. متصدقناش تبّت فينا.. لا أنا ولا هو في يوم هنعمر مع بعضنا ساعتين.. يا فراق تعالي من بعض احنا استكفينا بقيت قريب اوي لينا.. بقينا عشاق من ورق والحب ملناش دعوه بيه”.