وجهت الفنانة هيدي كرم، رسالة لجمهورها ومحبيها، عبر حسابها الرسمي بموقع التواصل الاجتماعي “إنستجرام” لتبادل الصور والفيديوهات.
ونشرت هيدي مقطع فيديو، تستعرض من خلاله إطلالاتها المختلفة، وعلقت: “دوام الحال من المُحال!!! زي ما الحلو بيعدي مع اننا بنتمناه يفضل على طول الوحش كمان بيعدي …. المهم الرحله نفسها المغامره نفسها بحلوها و بمُرها … بدروسها اللي ساعات بتبقا قاسيه و بلاحاظتها السعيده … الالم شعور زيه زي الفرح مكتوب على الجبين و لازم هاتشوفه العين علشان كده تقبله بخشوع و خضوع و اعرف انه جزء من اللعبه لكن الاكيد انك هاتقف تاني و تكمل لان الحياه تستاهل تتعاش!!!”.
“>
بـ هستيريا بكاء.. هيدي كرم تساند معلمة المنصورة: محدش له حاجة عندك
من جانبها، ساندت الفنانة هيدي كرم، معلمة المنصورة، التي أثارت الجدل وتعرضت لهجوم لاذع بسبب رقصتها مع أصدقائها في العمل من الرجال، أثناء تواجدهم في رحلة نيلية معًا، لذا انقلبت عليها السوشيال ميديا، وتم فصلها من العمل.
وشاركت هيدي، متابعيها مقطع فيديو، تفصح فيه عن رأيها، عبر حسابها الرسمي بموقع التواصل الاجتماعي “إنستجرام”.
وأعربت هيدي خلال الفيديو عن استيائها الشديد من رد فعل الجمهور على فيديو المعلمة، حيث قالت: “بقالنا يومين في قصة عجيبة غريبة من نوعها وكلنا بنتفرج عليها وساكتين، مش بنعمل أي رد فعل، معلمة المنصورة الست دي كانت في رحلة نيلية مع زملائها اللي بقالها سنين معاهم يمكن تعرف زوجاتهم وعيالهم كمان، الست سمعت شوية مزيكا واتمايلت شوية على المزيكا دمرتوها ضيعتوا مستقبلها”.
ولم تستطع هيدي كرم في تمالك نفسها، وفقدت السيطرة على دموعها، مسترسلة في الحديث: “ليه نعمل كل ده فيها، كلنا ممكن نتحط في نفس الموقف ده ومحدش بيسمي على حد، حتى الصحافة بتوصفها، غلط، ومحدش فكر في الستر، بتركنوه على جنب لما يبقى فيها تقطيع لحم الناس ونميمة”.
وأضافت: “أنا معرفش اسمك بس بدعمك، أرجوكي كوني قوية، متخليش حاجة تكسرك، أنتي ست محترمة، ومحدش له حاجة عندك، عملتي حاجة قدام الناس وسط نور ربنا، أزمة وهتعدي”.