ردت الفنانة دانا حمدان على تطفل إحدى متابعيها عليها، وقدمت له رسالة قوية وذلك عبر حسابها الشخصي بموقع تبادل الصور والفيديوهات «انستجرام».
وشاركت دانا حمدان بـ اسكرين شوت، لشخص شارك أخر فيديو لها على حسابها الشخصي على موقع الفيسبوك، وكتب عليه، قائلًا: «ناس عايشة وناس لايصة».
وحرصت دانا حمدان على الرد عليه، قائلة: «الشخص ده اللي أنا معرفش هو مين قرر يعمل البوست ده، وباصصلي في خروجة!».
وأضافت: «أولًا: حضرتك راجل وأنا بتكبم في موضوع يخص البنات، ثانيًا: ربنا بيوزع نعمة كلها حلوها ووحشها على قد كل إنسان وقدرته واللي هو شايفة أصلح ليه».
وتابعت دانا: «حضرتك قررت تحسد حتى مقولتش ما شاء الله ولا يعلم غير الله ما بحال كل إنسان، ربنا يكفينا شر العين والحسد ويديك من اللي عندي لو انت قد الشيلة عشان تكون هايص».