وجهت الإعلامية أسما شريف منير إبنة الفنان شريف منير رسالة لمتابعيها من خلال التجربة التي مرت بيها وهي طلاقها من الفنان محمود حجازي، وجاء ذلك من خلال صفحتها الرسمية بموقع تبادل الصور والفيديوهات “إنستجرام”.
ونشرت صورة لها وعلقت عليها قائلة: “دايماً لما اتنين بيسيبوا بعض كل واحد فيهم بيبقي عايز التاني يحس انه تعبان من غيره، او فحال اوحش، عشان يعرف يعدي و يقوم، هكدب عليكم لو قلتلكم محستش كده!!”.
وتابعت قائلة: “بس بما اني مركزه مع تجربتي المره دي عشان فعلاً عايزه اتعلم و اقوي بجد ، قعدت احلل الاحساس ده بكل تفاصيله لحد ما وصلت ان لو فعلاً الواحد في يوم حب ازاي ممكن يتمني لحد حاجة زي دي، ايه الأنانية دي؟ حتي لو اتأذيت ليه اوصل اني اتمني ان الشخص التاني يتعب عشان يحس بقيمتي!!”.
واضافت قائلة: “ده احساس مؤذي و ده مش طبعي، فا هذبت نفسي و لومتها و قلت لنفسي ان لو ده اختبار من ربنا يبقي لازم الواحد يكون قده! مش كلام و خلاص… و تكون النهايات اخلاق مش ادعاء ، لكل ست في نفس الموقف لو حسيتي بكده اقفي مع نفسك! وقفي نفسك، و غيري التفكير ده من جذوره و دعي الخلق للخالق”.
واختمت تعليقها قائلة: “ركزي في ازاي تقومي بطريقة صحية و اتمني لغيرك اللي تتمنيه لنفسك عشان {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} سامحي حتي لو مش انتي اللي غلطانه، ان الله غفور رحيم.. (لا تنسوا الفضل بينكم)”.
View this post on Instagram
اقرأ أيضاً..