شهدت واقعة تعدي شاب على مضيفة طيران ومحاولة لمس أجزاء حساسة من جسدها أثناء سيرها بالطريق العام في القاهرة الجديدة، عدة تطورات جديدة.
وأنكر «أحمد.س» البالغ من العمر 26 عامًا، يعمل مدرس، ويقيم بالمشروع الأمريكي في حلوان، كل ما نسب إليه من اتهامات، أمام جهات التحقيق، مؤكدًا أنه لم يكن يقصد أن يلمس جسدها.
وتابع: «كل اللي حصل أني وأنا ماشي في الشارع اتخبطت فيها غصب عني من الخلف ومكنتش قاصد اتحرش بيها أو اهتك عرضها».
ووجهت النيابة العامة، للشاب تهمة هتك عرض المجني عليها والتي تعمل مضيفة طيران بأن قام بملامسة منطقة حساسة من جسدها من الخلف بغير رضاء منها.
وتابع أثناء التحقيقات: «اللي حصل إن أنا شغال مدرس وكنت رايح أدي درس لطلبة، وكنت ماشي على الطريق الرئيسي المؤدي لـBY وكنت ماسك الموبايل بكلم حد وبكتب لطالب عندي على الواتساب علشان أغير ميعاد الحصة بتاعته، فوجئت بواحدة قدامي أنا خبطت فيها غصب عني من الخلف فلاقتها مرة واحدة فضلت تصرخ فقلتلها أنا آسف وبعد كده سبتها ومشيت ورحت على الحصة وبعد ما خلصت الحصة دي كان عندي ميعاد حصة ثانية وأنا رايح الحصة الثانية فوجئت بالشرطة جات خادتني وودوني على القسم».