تحدث الفنان خالد الصاوي، خلال تواجده عبر برنامج «عرب وود»، عن علاقته بالفنان شريف منير، ردًا على تصريحات الأخير، الذي أشاد بتعاونهما مجددًا في فيلم «ليه تعيشها لوحدك».
وقال خالد الصاوي: «صداقتي بشريف منير بتبدأ من سنة 1990 من بداية أعمالنا الفنية، وكانت أغلب أعمالنا بتتصور في مصر وبتعرض في الخليج، بس وقوفه جمبي في الوقت دا كان مهم جدًا».
وتابع: «مجتش فرصة نشتغل مع بعض في عمل جديد، ولما جت الفرصة دلوقتي مينفعش أقول لأ».
فيلم ليه تعيشها لوحدك
وفي وقت سابق؛ تحدث الفنان شريف منير، عن تفاصيل فيلمه الجديد «ليه تعيشها لوحدك»، والذى يتعاون فيه مع زميله خالد الصاوي.
وقال شريف منير: «خالد الصاوي صديقي من زمان وبدايتنا مع بعض، كنت أنا يمكن سابق شوية، خالد ممثل من نوع خاص أنا شبهته بالممثل العالمي رود ستايجر، لأنه ممثل تقيل وقوي».
قصة فيلم ليه تعيشها لوحدك
وحول تعاونهما فى فيلم «ليه تعيشها لوحدك»، كشف شريف منير قصة الفيلم، قائلًا: «الفيلم رومانسي وفيه شوية مزيكا ومشاعر راقية وأحاسيس متناقضة وفيه تمثيل حلو، أنا وخالد الصاوي طالعين أصدقاء دراسة وكنا بنلعب مزيكا مع بعض وكانت حالة موجوة زمان وبترجع بينا من خلال أحداث قوية».