قال الإعلامى خالد أبو بكر، إن ليلة 7 يناير من كل عام أصبحت عيد لكل المصريين، ويحتفلوا يبعيد ميلاد المجيد، مضيفا أن رسائل الرئيس عبد الفتاح السيسى اليوم خلال كلمته بقداس عيد الميلاد المجيد يؤكد لنا لايوجد قلق بسبب ما يحدث فى المنطقة، والرئيس طمئن الشعب المصرى لأنه يقف على أرض صلبة.
وأضاف خالد أبو بكر خلال برنامجه، “كل يوم”، المذاع على قناة “”،: “رئيس الدولة المصرية يتحدث بصدق وأمانة للشعب المصر، ولم يقلق من القضايا خارجية ولكن قضيته الأولى هى الاهتمام بالشأن الداخلى”.
وكان الرئيس عبد الفتاح السيسى، خلال زيارته إلى كاتدرائية ميلاد المسيح بالعاصمة الإدارية الجديدة لحضور قداس عيد الميلاد المجيد قال: “كل سنة وانتو طيبين جميعا، الاستقبال بتاعكم جميل أوى ورائع، وقد ايه إحنا نحب بعضنا أمر جميل”، وردا على هتافات:”بنحبك يا ريس”، قال الرئيس السيسي:”وإحنا والله بنحبكم”.
وأضاف الرئيس السيسي: “إحنا كده فى الأعياد بداية كل سنة، نيجى نحتفل معاكم ونهنيكم ونقول عيد ميلاد مجيد، ويوم سعيد وسنة سعيدة علينا كلنا”، مردفاً:”عاوز أتكلم معاكم كلمتين صغيرين، الموضوع الأول: إحنا لازم ديما نخلى بالنا من علاقتنا لبعضنا البعض، وبكلم كل الناس، لازم إذا كنتو بتحبوا ربنا حبوا بعضكم”.
واستكمل الرئيس السيسى: “الكلام اللى أنا بقوله مش بقوله لحد بعينه، بقوله لينا كلنا، متخلوش حد أبداً يدخل بينا ويحاول يوقع بينا ويحاول يعمل فتنة بينا، البلد دى بلدنا كلنا وهتفضل بلدنا كلنا لا حد ليه زيادة ولا حد ليه نقص، والكلام دا بقى ثقافة وعادات وتقاليد بينا، وإحنا ديما مع بعض وكل واحد عارف زيه زى أخوه، وكلنا زى بعض، وديما تخلوا بالكم، وأى محاولة للفتن أو الوقيعة ننتبه لها، ويبقى مخنا وقلبنا أكبر منها”.