تداولت مجموعة أخبار بعد ظهور شبيه محمد رمضان الذي يدعى “علاء الأسطورة” انه يستغل الشبه بينه وبين نمبر وان ويقيم حفلات بمقابل مادي يتراوح بين 2000 و 3000 جنيه.
شبيه محمد رمضان عن الاخبار المتداوله ضده
ونفى شبيه محمد رمضان في تصريحات خاصة لـ أوان مصر قائلاً: “هي الفكرة انا مش حابب اخد فلوس وبنزل مجاناً لاي حد واللي كتب كده مش موقع اصلي وبعمل كده عشان شايف الناس بتبقى مبسوطة ومبحبش اخد فلوس”.
وأشار لـ أوان مصر قائلأً: “ولو حد كلمني عايزين ويسألني انت بتنزل بكام بقول لا مبخدش فلوس من حد ولسه مجاليش فلوس من السوشيال ميديا لحد دلوقتي ولو كنت هاخد فلوس ده حقي وتعبي مش استغلال”.
شبيه محمد رمضان يكشف لـ أوان مصر كواليس إعادة تصوير “على الله”
كشف علاء أحمد الشهير بـ شبيه محمد رمضان، عن تفاصيل إعادة تصوير كليب أغنية “على الله”، ولماذا اختار هذة الأغنية، وجاء ذلك بعد ان قام باعادة تصوير كليب “ثابت” وتخطى المليون مشاهدة عبر قناته الرسمية بموقع مشاركة الفيديوهات “يوتيوب”.
وروى علاء في تصريحات خاصة لـ أوان مصر، عن كواليس تصوير الفيديو كليب، وكيف وفر الامكانيات لإنتاج نسخة تانية من كليب “على الله” بنفس كل شئ ظهر في الكليب الاصلي لـ محمد رمضان، قائلاً: “اخترت كليب على الله عشان كليب جميل وكلماته حلوة والاغنية جميلة”.
وصرح لـ أوان مصر أن الفكرة والتنفيذ بمشاركة أحد أصدقائه قائلاً: “الفكرة والتنفيذ بمساعدت صديقي “شناوي” هو اللي بيفكر وبيخطط وانا بعتمد على طول وهو اللي خطط للبس وجيبنا اللبس نفس اللي ظهر بي الفنان محمد رمضان وكان في اتفاق مع صديق لينا من العرب اسمه “علاء الحويطي” ده عرباوي وهو اللي ساعدنا وجابلنا عربية ومكان التصوير واللي ظبطلنا الاسحلة “حسام همام” وكانت اسلحة سينمائية مكنتش حقيقة وتصوير ومونتاج أحمد زكي الكليب بمشاركة عمر حسين”.