وجهت الفنانة المعتزلة حنان ترك، رسالة شكر لكل من حرص على الاتصال بها، بعد ظهور ملامح المرض عليها في الفيديو، التي نشرته ليلة أمس.
كما طمأنت جمهورها ومحبيها عن حالتها الصحية، حيث نشرت مقطع فيديو، عبر حسابها الرسمي بموقع التواصل الاجتماعي “إنستجرام”، وقالت: “ناس كتير اوي اتصلت بيا وبتطمن عليا، ومن الواضح ان شكلي في اللايف مجهد جدا، وانا عاوزة اطمنكم عليا، انا كنت تعبانة فعلا، بس انا احسن دلوقتي الحمد لله، بشكركم جدا على كل التليفونات اللي جالتي، وأنا بطمنكم أني بقيت احسن”.
View this post on Instagram
أبرز تصريحات حنان ترك
من جانبها، تبرأت الفنانة حنان ترك من كل الأراء السياسية التي نشرتها عديد من الصفحات المنسوبة لها كذبًا، حول مواقفها السياسية وفتاوى.
خرجت الفنانة حنان ترك في بث مباشر على صفحتها الرسمية بموقع التواصل الإجتماعى “فيس بوك”، منوهة أنها هي الصفحة الوحيدة الخاصة بها.
أنا عندي برد، كان المفروض أطلع الأسبوع اللي فات، استحملوني واستحملوا صوتي
وقالت الفنانة: أولا سياسيا أنا جاهلة جدا ومعنديش وعى سياسى أنى اعرف أقول اعملوا حاجة او متعملوش ومعنديش الثقافة اللى تخلينى أنظر سياسياً، أما بالنسبة للدين قلتها زمان وهاقولها تانى أنا درست علوم شرعية على سبيل النجاة لا على سبيل الدعاء، والدعوى دى موضوع كبير جدا ومحتاج علم وفقه مش أي حد يقدر يعملها، أنا فين والكلام الكبير ده فين”
وأضافت: عاوزة أشكركم واشكر أسرتى اللى وقفت جنبى وقت مرضى وكل أصدقائى اللى بيسألوا عليا ودكتور أشرف زكى كان بيكلمنى وبيطمن عليا، وبشكر الجمهور اللى بدعواته الحمد لله بقيت أحسن بكتير وكويسة جدا، ومش عارفة أشكركوا على ايه ولا ايه وسعيدة انى معاكم وانتوا وحشتونى جد.