أعلن المطرب والملحن حمزة نمرة النادي الذي يقوم بتشجيعه، ومدى حبه لكرة القدم وشدة اهتمامه بها، وذلك خلال حواره في برنامج أجمد 7 ، الذي تقدمه الاعلامية جيهان عبدالله.
قال حمزة نمرة: «أنا كنت أهلاوي ودلوقتي بشجع الجميع وبلعب كورة مع صحابي، ولكن لازم مع تقدم السن أخلي بالي من نفسي وأنا بلعب طبعا وولادي بيكملوا المسيرة وبيشجعوا ليفربول».
وتحدث حمزة نمرة عن اللاعب العالمي محمد صلاح : «ما أخدتش ولادي في بريطانيا لمقابلة محمد صلاح قبل كده رغم أنهم بيشجعوه وبيحبوه جدا، وهحاول أقابله الفترة الجاية إن شاء الله لكن أنا اتكلمت معاه قبل كده على تويتر واتواصلنا مع بعض من خلال مواقع السوشيال ميديا».
حمزة نمرة: لو ما كنتش فنان كنت هبقى نجار
وتحدث حمزة نمرة عن تفاصيل أعماله الفنية القادمة، وعن المهنة التي من الممكن أن يعملها بدلًا من الغناء.
وأضاف نمرة:« قعدت فترة بخبز عيش مصري بلدي في لندن وقت كورونا وكانوا صحابي بياخدوا مني وبساعد زوجتي في المطبخ وبعرف اطبخ رز وأغلب أكلي ملوخية وبامية وأكل مصري زي كده».