تداول رواد مواقع التواصل الاجتماعي منشور للداعية مصطفى حسني، هاجم فيه بشدة تصريحات الفنانة حلا شيحة حول الحجاب بأنه ليس فرضا لكونه مذكور في نص القرآن.
وجاء في المنشور:” “أنا اختلف مع حلا شيحة أو اتفق ده مش مهم لكن اللى هى بتقوله مهم لأنه من الآخر (بيلاقى رواج) بمعنى أنه بينتشر كالنار ف الهشيم، معنديش مشكلة انك اتحجبتي ورجعتي انتقبتي وبعدين قلعتي الحجاب دي حرية شخصية وانتي اللي هتتحاسبي”.
وأضاف المنشور: “أنا مليش إني أقولك اعملى أو متعمليش لأني شخصيا من مؤيدي إحياء الشعائر عن اقتناع وحب مش غصب وفرض رأي وعادات مجتمع، لكن إنك تبتدى تقنعي نفسك بأنك صح بأنك توصلى فكرة غلط عن القرآن ف ده مفيهوش تهاون وواجب ردعك، يعنى أنا شخصياً كل ما اشوفك أقول اللهم يا مقلب القلوب ثبت قلبي على دينك الحق، وفهمت ليه الرسول (صلى الله عليه وسلم) وهو معصوم كان بيردد الدعاء ده، بالنسبة لترتيب سور القران فهى مترتبة بشكل متقدريش تحجميه ف وصف أو كلمة لكن نقدر نقول إن ربنا قدّر أنه يوصلنا بالشكل ده أصل القرآن”.
ومن جانبه نفى الداعية الإسلامي ذلك التصريح، مؤكدا أن هذا الحساب لا ينتمي إليه، قائلا:” تنويه هام: هذه صفحتي الرسمية الوحيدة على الفيسبوك.. أي تعليقات أو أخبار أكتبها فقط على حساباتي الرسمية الموثقة.. وما ينشر على لساني أو يُنسب لي خارج حساباتي من تصريحات أنا غير مسئول عنها.. لكم جزيل الشكر على حرصكم وأماناتكم ومتابعتكم.. مصطفى حسني”.