قضية بسنت خالد «فتاة واقعة الغربية» تعيد ذاتها.. على طريقة الفتاة المنتحرة، تعرضت الإعلامية آلاء عبد العزيز، مذيعة قناة الحدث اليوم، لعملية ابتزاز من زوجها السابق، بعدما نشبت خلافات بينهم، أدت إلى انفصال عن طريق إقامتها دعوى خلع ضده، وكان الحكم في صالحها.
وأصبحة آلاء حديث السوشيال ميديا، بعدما أفصحت عن تفاصيل تعرضها للابتزاز، الذي يتمثل في نشر صورها وأرقامها الخاصة على مواقع إباحية، خصيصًا أنها إعلامية شهيرة في مثل هذه النوع من القضايا.
إعلامية شهيرة تتعرض لابتزاز من زوجها «المخلوع»
وبثت آلاء فيديو مباشر، عبر حسابها الرسمي بموقع التواصل الاجتماعي “فيسبوك”، وقالت من خلاله: “صباح الخير والفل عليكو، حابة احكيلكوا موقف مش لطيف خالص، وساكنة عليه بقالي 3 أيام بالظبط، ومش عارفة اعمل ايه، بس قررت اني اتكلم، لاني مش الحالة الوحيدة الي حصل معاها كده، وفيه بنات كتير بيحصل معاها نفس الموقف ده، وبيتهددوا، وبيتفبرك صورهم، ويبتزوا بأرقامهم، وبيستغلوا صعف البنت، ويكون النتيجة أن واحد تنتحر وواحدة تخاف وتكتئب وتقعد في بيتها”.
وأضافت آلاء “إعلامية شهيرة”: “فأنا عاوزة أقول لكل بنت أني بقالي 3 أيام متعرضة لنفس الموقف اللي انتي اتعرضتيله، لقيت فجأة تليفوني بيرن كتير اوي، وفي اوقات متاخرة بعد الساعة 2 بليل، فطبيعي اني مش هرد، ومن ناحية تانية بتتبعتلي حاجات على الواتساب، ورسايل تفضل تسألني انتي الاء، وانا متعودة على كده عشان لو حد حابب ينزل في البرنامج معايا فبيكلمني بالطريقة دي بس في وقت بدري، والمهم ان كذا حد كلمني، يعني لو حد واحد كانت هتبقة اشتغالة وخلاص، طيب حضرتك معلش انا اسفة جبت الرقم منين، رد عليا وقالي الرقم ده محطوط في موقع مش كويس ومكتوب عليه اسمك، ومحطوط عليه صورك، وشخص بيتكلم من عليه”.
إعلامية شهيرة تنهار بسبب ابتزازها
وأردفت: “انا طبعًا جريت وكلمت المحامي بتاعي، وقولتلو انا اعمل ايه في الموضوع ده، المحامي قالي غيري رقمك، وسألت كذا حد بعد كده عن اللي المفروض اعمله، قالولي غيري رقمك واسكتي، فضلت افكر كتير بعد حلقت امبارح، مع البنوتة صفاء، اللي خطبها نزل صورها على النت عشان عاوزة شبكته، وبيتصل يرجعلها، وهي رافضة، فابتزها بالصور الي نزلها، فانا مجيش ادافع عن البنات دي، وانا اسكت، فقررت اني اتكلم، وانا مش شايفة ان ده عيب، انا معملتش حاجة عشان اخاف”.
وأكدت آلاء “إعلامية شهيرة”، على أن زوجها “المخلوع”، هو السبب وراء نشر أرقامها وصورها على المواقع الأباحية، قائلة: “انا معايا رسالة من اللي الراجل خلعته زمان، وكان مهددني فيها أنه هيعمل كده، بس انا متوقعتش حاجة ذي ديه نهائي، وأن حد مكتوب انه ذكر في البطاقة يعمل كده، ده ميتسماش راجل”.
وأشارت إلى أنها سوف تحرر محضرًا ضده، ولن تصمت عن حقها، معلق: “مفيش ست ممكن تعمل التصرف ده، وانا مش هخاف ولا خايفة ومش هسيب حقي وهروح اعمل محضر، وأيًا كان انت فين هتتجاب”.