كشف الفنان حسين فهمي رئيس مهرجان القاهرة السينمائي الدولي، عن نيته في التحضيرات الخاصة بـ الدورة الجديدة للمهرجان، وعن شكل الزي الرسمي في دورته الـ 44 المنتظر إقامتها في الفترة من 13 إلى 22 نوفمبر المقبل.
وقال حسين فهمي، إن مهرجان القاهرة السينمائي الدولي ضمن مهرجانات الفئة الأولى، موضحًا: «لما جيت المهرجان لقيت أن كل واحد بيلبس اللي هو عايزه، وده أصلاً مبيتعملش في أي مكان في العالم، إذا كان أنا لما حد بيجيلي البيت مش هستقبله بالبيجاما، هلبس كويس والستات تلبس لطيف».
وأضاف حسين فهمي أيضًا: «للأسف الشديد الأمر تطور لأكثر مما كنت متخيل، وبقى عبارة عن (وريني يا حبيبتي الفستان طيب لفي كده.. مين اللي عامل التسريحة واسمه أيه الكوافير؟).. مش ده المهرجان».
وأكد حسين فهمي: «لازم كلنا نبقى ملتزمين بالملابس الرسمية بتاعة كل المهرجانات الدولية، ألان ديلون لما جه المهرجان كان جاي بالبدلة السموكن على كتفه، ده عادي واللبس اللي إحنا بنتفق عليه دولياً».
واختتم فهمي تصريحاته قائلا: «نفس الزي الرسمي هيبقى موجود، والناس هتلبس كويس وتبقى شيك وهيبان إنه مهرجان قيم جدا».
تصريحات حسين فهمي عن سمير صبري
وكان قد نعى الفنان حسين فهمى، للفنان القدير الراحل سمير صبرى، الذى غيبه الموت أمس الجمعة 20 مايو عن عمر يناهز 86 عامًا بعد صراع مع المرض، قائلا: “صديق شخصى وشخص عزيز ومقرب لى، بجانب أنه زميل عمل منذ بداية مشوارى الفني”.
وأردف الفنان حسين فهمى فى مداخلة هاتفية لبرنامج “مساء dmc” مع الإعلامية إنجى القاضى، عبر قناة dmc: “كان راقى جدا مثقف وكان يعرف الافلام بأسميها بتورايخها كان موسوعه صاحب تاريخ فنى ضخم، بجانبأنه كان بيتكلم لغات وكان فنان شامل وكان له تاريخ حافل.
وتابع: “سمير صبرى كان مرهف الصوت وصديق لكل زملائه وكان يساعد كل زملائه وكان إنسان جميل جدا”.
والتقي الفنان حسين فهمى بلفنان سمير صبرى في المستشفي وكان باين عليه أنه مجهود ثم اعاده زيارتة مره أخري وكان يظهر عليه التحسن ولما سأل الأطباء واضعه خطير والعمليه مهمه جدا بس القلب مش هيستحمل وكان واضح أن أيامه كانت قليله وكانت التوقعات غير مراضيه.