حسام حبيب/ كشف الملحن والمغني حسام على تفاصيل جديدة على ما تداول حول تسجيلات والده، ونشر مقطع فيديو عبر صفحته الرسمية بموقع تبادل الصور والفيديوهات إنستجرام.
حسام حبيب يكشف مفاجآت صادمة جديدة عن تسجيلات والده (فيديو)
وأوضح حسام حبيب خلال فيديو حقيقة التسجيلات وحقيقة ما تداول عبر السوشيال ميديا قائلاً: “ايه رايكوا فيا وانا بضحك على شيرين وباخد الكريدت كارد بتاعتها، الصبح هنعملكوا فيديو من المحكمة”.
وأضاف قائلاً: “انا عمري ما عملت فيديو ولا اتكلمت ولا اهتميت اني ارد على حاجة اتقالت عليا بس انهاردة اتفرجت على كام حد كدة حابب ان اشكرهم وانتو طلعتوا بجد اكرم واقرب من الناس اللي بنفتكرهم قريبين وحبايب وعشرة عمر وصحيح ممكن يكون اخوك بس مش من دمك”.
واردف قائلاً: “وانا اكبر بكتير بكتير من ان ابرر واطلع اقول لا معملتش كدة، وانا عارف للاسف مين اللي عمل كدة وفي ناس زقين ناس على ناس قريبة مننا جدا جدا وهما حالياً مش عايشين حوالينا عشان كدة بيعملوا كدة ولو عايزين تعرفوا الحقيقة”.
أول تعليق من حسام حبيب على تسجيلات والده
واستكمل قائلاً: “الحقيقة ان الناس دية كلها كان ليها مصالح في ان شيرين تبقى منتهكة ومش فاهمة حقوقها ولما جي بنادم فهم شيرين حقوقها، وهي عندها شركة بدير اعمالها انا مليش فيها والناس اللي بتتعامل معاها عارفين كدة، وزي ما ناس بتقول الناس فكرة”.
وأشار قائلاً: “وعايز اقول حاجة شيرين اقدم مني واشهر مني وانجح مني وانتو لما بتقوله كدة بتقللوا من نجاح شيرين لانها مش محتاجة حد يقولها تعمل ايه ومتعملش ايه وانا لما اتجوزتها كانت شيرين عبدالوهاب انجح واحدة في الوطن العربي ومش محتاجة حجاة من حد وهي لو بعت الخبرة ديه سلمت نفسها لحد هتبقى بضيع كل تعبها”.
وتابع قائلاً: “اما بالنسبة لاقرب الناس لينا اللي انا عارف طبعا ان شيرين اليومين دول قادرة بامورها، وهما هبفضلوا يعملوا الحاجات ديه املنا منهم لقدر الله ان العلاقة ديه تتأثر او تنتهي الحمدلله رب العالمين ديما بقول ل شيرين ان احنا ربنا اختارنا لبعض واكيد ربنا اخترنا لبعض مش هيفرقنا”.
وصرح قائلاً: “انا عندي قلة ثقة في الناس اللي حواليا لان فعلا اتأذيت من ناس كتير كانت قريبة مني والشخص ده مش اول مرة يأذيني وانا اسف اني بقول الشخص ده لان مش قادر اعمل اذكر اسمه، انا متأكد ان حد سجله، واتقلي ان في حد زقه يعمل كدة خوفاً على شيرين بس شيرين مش محتاحة حاجة من حد خالص لان هي فاهمة كويس اوي حقوقها”.
حسام حبيب يوجه رسالة عنيفة لكل من يحاول يأذي زوجته
ووجه رسالة قوية لكل من يريد ان يأذي زوجته شيرين عبدالوهاب قائلاً: “ابعدوا بس عنها سيبوها تعيش لـحياتها لعيالها ولبيتها ولفنها وجمهورها كفاية واحنا بنتعمل بمنتهى الادب وبقولكوا حسبى الله ونعم الوكيل وده مش معناه ضعف لو ده استمر انا اقدر ارد كويس اوي واجيب حقي بالقانون لان للاسف في ناس في الصحافة هما اللي عاملين كدة واللي زق البنت انها تسجله وتعمل كدة هما فعلاً اقرب الناس لينا”.
View this post on Instagram