كان الفنان حازم إيهاب ضيفًا في برنامج «رمادي»، الذي تقدمه المذيعة عبير بسيوني، عبر موقع تبادل الصور والفيديوهات القصيرة «إنستجرام»، وكشف لأول مرة عن تفاصيل وفاة ابنه الرضيع يونس، الذي ولد ولديه عيب خلقي في القلب، وخضع لعملية دقيقة في القلب وهو في الساعات الأولى من عمره.
كشف حازم إيهاب خلال لقائه في البرنامج إنها المرة الأولى التي يتحدث فيها عن تفاصيل وفاة ابنه يونس ، حيث قال: «في حد في أمريكا قالي إحنا عندنا هنا في الوقت ده بنقول ننزل الطفل على طول وكانت منة زوجتي وقتها في الشهر الخامس لما عرفنا إن الجنين ولد وعنده غرفة من غرف القلب مش شغالة، والأزهر أفتى لنا وقتها إننا ننزله أنا بس مكنش عندي المنطق ده لأن اللي ربنا كاتبهوله هيشوفه».
وتابع حازم كلامه: «أن الله عز وجل لم يرضيه أن يعيش طفله في عذاب.. كان ممكن أنزله بس كنت خايف أرجع أطارد نفسي بعدها بكام شهر وأقول لنفسي أفرض كنت سبته يكمل مش جايز ربنا حط في معجزة، وساعتها كانت هتفرق بيني وبين ربنا كتير أوي يعني كانت هتحسسني إني مبقتش واثق فيه».
وأختتم كلامه : «أن يونس توفي بعد 13 يوم فقط من ولادته.. لافتًا مش هنسى لزوجتي موقفها يوم وفاته اليوم ده مكنتش قادر أواجهها فيه لأن أنا كنت بقعد أقولها اطمني هو هيقوم يبقى زي الفل وعشان أنا كمان أصدق قومت وركبتله سريره وألعابه، وكنت مستني اليوم اللي أجيبه في إيدي البيت».
أخر أعمال حازم إيهاب
شارك حازم إيهاب مؤخرًا في مسلسل «إلا أنا» في حكاية «تقلها دهب» وكان تدور قصة الحكاية عن حياة بطلات مصر في الأولمبياد، وشاركه البطولة هند عبدالحليم ،وسارة عبدالرحمن ، والمسلسل من تأليف يسري الفخراني .
اقرأ أيضًا
ظهور خاص لـ حازم إيهاب في مسلسل Moon Knight
نجلاء بدر عن مولود حازم إيهاب: أرفض تداول صورة الكفن للطفل
«مكالمات ورسايل بس».. حازم إيهاب يُلغي عزاء ابنه الرضيع والسبب مجهول