روى الكوميديان الكبير محمد هنيدي موقفًا طريفًا من كواليس تصوير مشهد أنفجار القنبلة في فيلم “فول الصين العظيم”.
وقال هنيدي خلال لقائه في برنامج “معكم”: اثناء تصويري مشهد فول الصين العظيم بتاع القنبلة وكان التصوير فيه حته مقطوعة اوي ومفيهاش نور وبعدين اتفاجأت بالمشهد فحبيت اتمشى شوية لغاية ما يجهزوا اللوكيشن”.
وأردف: “ومرة واحد طلعلي واحد اسمراني وضخم وقالي انما المؤمنون إخوة وطبعا احنا من وقت ما وصلنا الصين ومكنش فيه آذان او جوامع فكنت مرعوب وقالي أنه إمام المسجد في القرية دي، وبعدين جريت على التصوير وقولتلهم خلاص انا هصور المشهد والي يحصل يحصل، لحد ما اكتشفت ان المدينة اللي احنا بنصور فيها المشهد ده مسلمين”.
محمد هنيدي يكشف سبب توتره في المهجرنات: بعاني من فوبيا
كما أعرب الفنان محمد هنيدي عن معاناته من فوبيا الزحمة أو التجمعات، مضحًا سبب التوتر الشديد الذي يلاحقه في أي مهرجان أو مؤتمر كبير.
وقال هنيدي: “بعد صعيدي في الجامعة الأمريكية روحت بتنا في العجمي ووقتها الفيلم كان بيتعرض في السينما وعمرو دياب كان بيحيي حفلة في الاسكندرية عددها حوالي مليون واول ما شوفوني جريوا عليا وقالو هاتو الواد ده وجريت عند واحد فاتح محل عشان استخبى ومن وقتها وانا عندي فوبيا من الزحمة”.
محمد هنيدي عن صابرين: كانت هايلة.. والجد بيولد الضحك
وأشاد الفنان محمد هنيدي بـ أداء الفنانة صابرين في فيلم “الإنس والنمس”، موضحًا أن الجد هو الذي يولد الضحك.
وقال هنيدي خلال لقائه في برنامج “معكم”: “الناس فاكرة أن الكوميديا بتتمثل في أني افضل اضحك وانا بتكلم والجود ده، لكن الحقيقة عكس كده تمامًا لأن الجد هو اللي بيولد الضحك”.
وأضاف: ” والاستاذ شريف عرفة كان حريص على تطبيق المقولة دي، فكان دايمًا بيحرص أن الفنانين داخل الفيلم أنهم يكونوا ملتزممين بالسيناريو المتفق دون إضافة أي تجويدات أخرى، عشان كده الفيلم طلع بالشكل الكوميدي ده”.
وتابع: ” الحقيقة الفنانين كلهم المشاركين في الإنس والنمس أدائهم رائع بالأخص الفنانة صابرين كانت هايلة جدًا”.