من المعروف على الفنانة شيرين عبد الوهاب تصريحاتها التي تثير حالة واسعة من الجدل، وهذا ما حدث منذ ساعات قليلة، عندما صرحت عبر حسابها الخاص على موقع التواصل الاجتماعى «انستجرام» بندمها الشديد على أغنية “ماتجرحنيش” للشاعر بهاء الدين محمد.
وأغضب تصريح شيرين عبد الوهاب الشاعر بهاء الدين محمد الذي كتب الأغنية، والذى قرر ان يهاجمها بقوة بعد تصريحاتها عبر صفحته على موقع التواصل الاجتماعى فيسبوك ونرصد فى التقرير التالى القصة الكاملة لازمة شيرين عبد الوهاب وبهاء الدين محمد.
بدأت تفاصيل الماشدة الكلامية بين الفنانة والشاعر، عندما وجه لها أحد متابعيها على موقع التواصل الاجتماعي «انستحرام»: عن اغنية ندمت على تقديمها لترد قائلة : “اغنية ماتجرحنيش” للشاعر بهاء الدين محمد.
بهاء الدين محمد وشيرين عبد الوهاب
وهو الامر الذى اثار غضب الشاعر بهاء الدين محمد والذى قرر يرد عليها عبر صفحته على فيسبوك : “مش متعود أرد على أى حد . ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!” .
وتابع: «وحأتكلم بإختصار جدا : المشهد الأول : ..أول يوم دخلت شيرين عبدالوهاب مكتبى كانت مع الأستاذ نصر حروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!».
وأضاف بهاء الدين محمد والمشهد الثانى : رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة
واوضح بهاء الدين محمد : المشهد الثالث .. لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطة زى دى !!! لأن المشهد ده مش لايق على المشهد الأول.
وأشار بهاء الدين محمد الى المشهد الرابع والأخير : أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء . ، وماتجرحنيش من أهم أعمالى ومن حقى أدافع عنها نتاج تهور اللى غنيتها ” .
وأخير قال بهاء الدين محمد : وكمان لأول مرة الاقى حد بيحارب نَفسه وبيغلط ف مبدعين إشتركوا ف صناعته !!! .. وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم”.
تامر حسين
كما علق الشاعر الغنائى تامر حسين على تلك الأزمة عبر حسابه على موقع انستجرام قائلًا: «أستاذنا وكبيرنا عبقري العباقرة هو احنا عندنا كام بهاء الدين محمد؟.. تاريخ عظيم واستمرارية لحد يومنا وأنا الحقيقة معرفش ده رد شيرين بنفسها، ولا حد من إدارة السوشيال ميديا، ويمكن خانها التعبير أو ما تقصدش العمل الفني، لأنها أغنية قيمة كلام ولحن وتوزيع وخاطرك كبير عندنا كلنا، أستاذنا ولا تزعل نفسك، أكيد شيرين مايرضيهاش يوصلك الإحساس ده، يا تاريخ ياحبيبي، وأغانيك العظيمة لو كتبتهالك في بوست مش هنخلص».