يروي احد عملاء أورنج كاش عن تجربته مع Orange cash ، معتبرا انها تجربة سيئة للغاية.
عميل يشكو من غلق محفظته على أورنج كاش
«وقال في شكوى له من خدمات اورنج ان تجربته تجربة سيئة و مقرفة مع Orange cash.. وأضاف في شكواه :اضطريت افتح ال e wallet عشان اقبض عليها الشهر دا بس موقتا لحد ما حساب البنك يتفتح و بصحي من النوم اتفاجئ بدون سابق انذار ان المحفظه اتقفلت و لما روحت الفرع و كلمت خدمه العملاء الفرع قالي في حاجه غلط في التعاقد و التاني قالي تحديث بيانات و ممكن يكون في غلط في التعاقد مع اني عامل كل حاجه زي ما قالو بالظبط و معايا نسخه من العقد دا كان في فرع اورنج في رشدي إسكندرية و كله تمام و رحت عملت التعاقد تاني و قالولي استني بقي من اسبوع لحد 3 اسابيع يعني الواحد يروح يشيل فلوسه و شقاه هناك و يقولوله مانتش هتاخدهم روح اشرب من البحر لو مش عاجبك و خد الكلمتين دول صبر نفسك بيهم»
طب انا ايه ذنبي من كل دا؟ الحساب بتاع البنك تبع الشركه اتفتح و الواحد كان لسه هينقل الفلوس فحصل الحوار دا
خدمه مقرفه و منصحش حد يتعامل معاهم شيل فلوسك في بنك او تحت بلاطه أمن و حاجه قمه الإهمال و العبثية».
ويتيح موقع أوان مصر مساحة للشركة للرد على شكوى العميل وتوضيح ذلك عبر بيان رسمي أو رد رسمي من الشركة.