قدم الفنان تامر حسني نصيحة للأشخاص المحبطين، الذين يرون أن أحلامهم لا تتحقق، إلى أن سبب هذه المشكلة يكمن في العقل الباطن، ونصح الشباب بالتغلب على هذه المشكلة من خلال عدة نقاط.
وكتب تامر حسني منشور عبر حسابه ابشخصي بموقع التواصل الاجتماعي فيسبوك: لفت نظري في تعليقاتكم إن في ناس كتير مش عارفين يوصلوا وينجحوا وحاسين إن كل شيء سيئ ملازمهم، وفاكرين إنهم منحوسين ومصدقين إن حظهم وحش.
وأضاف: أنا هشاور على سبب مهم بينتج عنه الشعور ده، كتير من صدمات حياتك بيكون السبب فيها هو عقلك الباطن، يعني أنت السبب ورا كل ده عشان عقلك الباطن بعد الصدمات وبعد كل جرح خزّن معاني غلط واقنعك بيها إنها صح، زي إنك شخص قليل متسواش وملكش قيمة، وإن الطيبة مش كويسة ولازم تبقى شرير عشان تعرف تعيش.
وتابع تامر حسني، مشيرًا إلى أن تخزين العقل الباطن لمثل تلك الأفكار، من شأنه أن يؤدي إلى قيامك بسلوكيات سيئة وسلبية، مؤكدًا إلى أن هذه الأفعال تؤذيك أنت أولًا، قائلًا: إن الأفكار دي بتنجح في صنع طاقات سلبية حواليك تزيدك في هدم نفسك، وعقلك الباطن بيخليك تصدق نتايج صدماتك أكتر من وعود ربنا.
وواصل: الحل إنك لازم تتعامل مع مخك إنه جهاز هتفتحه وترمي منه كل المعاني البايظة، وتبدل المعاني دي بالمعاني الصحيحة.
واختتم تامر حسني رسالته، قائلًا: ركز في قصتك أنت مع ربنا، وبلغة الامتحانات تخليك في ورقتك عشان في الآخرة أنت هتتسأل على أعمالك أنت، وهشان أطمن كل واحد عنده هدف، مش هيكون جواك حلم بحاجة إلا وربنا جاعل جواك القدرة على تحقيقها.