كتب : عمر التوني
خرج الفنان تامر حسني، عن صمته، بعد طلب زوجته الفنانه المغربية بسمة بوسيل، الطلاق منه، حيث قدم إعتذار لها أم الجمهور، من خلال حسابه الرسمي على موقع الصور الشهير “انستجرام”.
وقال “تامر” لـ”بسمة” :”بسمة حبيبتي .. للأسف أنتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي أنك عرفتيني وأنا مشهور ودي طبيعة شغلي اللى عرفتيني وحبيتيني بيها، إزي وصلوكي للزعل والبعد فترةـ، والمهم انا مش هزعل منك ولا يرضيني زعلك أنتي حبيبتي، وأم ولادي”.
وتابع «تامر» انا ضهرك وسندك مهما حصل بس اللى عايز أقوله لعل تكون سبب خير فى توعية ناس كتير”.
وواصل :«لية لما أى حد بيزعل حد بيطلع يكتب عليه فى السوشيال ميديا طب حتي يكلمه الأول أية علاقة الناس بمشكلة شخصية بين أثنين ممكن تتحل بالتليفون أو زيارة رحيمة ما بينهم وياريتها مشكلة أصلاً».
وأضاف :«ربنا جعل مابينا مودة ورحمة عشان كدا للأسف انتي عارفه ان فى ناس فى طبيعتهم حب خراب البيوت ومش هنخلص منهم بس انتي اللي هتخلصي من فكرة أنك تسمعيهم مع انك مكنتيش كداً».
وأختتم :«ياريتك تركزي مع طاقة الناس اللى دعولنا ودعوا لاولادنا بكل خير وفعلاً انا بشكر الناس والفنانين اللى سعوا فى الخير لينا وانا واثق انك دلوقتي زعلانه انك كتبتي كدا هو تصرف متهور منك بس ولاي يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام دا يكون بينا لكن انتي اشركتي الجمهور الكريم فكان لازم ارد هنا بينا حب غالي وحياة كريمة و اولادنا و بيتنا أعلي ما فيها ربنا يخلينا ليهم ويخليهم لينا يارب متهورة بس بحبك».
وكانت بسمة بوسيل زوجة تامر حسني، إعلنت فى وقت سابق انفصالهما، وطلبت من كل من يرسل إليها صورا ومقاطع مصورة لتامر ويروا أنه لا يحترمها سواء في صور أو فيديوهات، أن يتوقفوا عن فعل هذا، لأنه لم يعد فارقا معها أي صور بشأنه”. وبعد إعلان انفصالها، تبادلت بسمة بوسيل وتامر حسني إلغاء المتابعة على مواقع التواصل الاجتماعي.