روج الفنان تامر حسني، لـ أحدث أغانيه والتي تحمل اسم «هتجوزك»، و أغنية «حياتنا»، وكتب أن أغنية حياتنا قد طرحت بالفعل اليوم، متمنيا أن تنال إعجاب متابعيه.
وكتب عبر حسابه الخاص بموقع التواصل الاجتماعي الشهير «فيسبوك»: «جمعه مباركه على الجميع، بما انكم كل شويه تحطولي صورة عمر و سلمى ٢ بتاعة مشهد فين الساعه و تقولولي فين حياتنا و هتجوزك، تأخير اغنية حياتنا حصل عشان الاغنيه فيها اجزاء شبه احداث الفيلم و اجزاء بتتكلم عن الدنيا و حياتنا بشكل عام عشان كدا استخدمنا اجزاء منها فقط في فيلم بحبك، المهم بقى بما انكم عايزينها كامله روحت المونتاچ و الاستاذ عمرو عاكف مشكور فضى وقته و رجع اشتغل فيها تاني عشان خاطركم هنزلهالكم كامله ان شاء الله النهارده الساعه ٤ . حياتنا من فيلم بحبك.
و قريباً ان شاء الله اغنية هتجوزك كامله، طلباتكم أوامر يا عسليات».
تامر حسني يوجه نصيحة لـ جمهوره
وكتب تامر على الفيديو قائلًا:«المكنة دي بتهرس عربيات في ثواني لجوه وتبلعها ولا يمكن شئ يفلت من قوتها، تخيلوا بقا الصفيحة الضعيفة دي كل المكنة دي مش قادرة عليها، قد يكون المشهد ده له مبررات فنية تانية بس معبرة جدًا عن المعنى اللي مركبه صاحب رؤية الفيديو، عجبني حبيت أشارك بيه من يهمه المعني وكان محتاج يشوفه أكيد منكم كتير محتاج للمعنى ده علشان يطمنه ويقويه وإلا مكنش أتحرك قلبي علشان انشره لعدد كبير زيكم».
وكتب مصطفى حسني تعليق على الفيديو قائلًا:« الله يا صاحبي على المعنى الجميل ده، أن تشاهد ريك في كل شئ فلا تغيب عنه ابدًا، مشهد زي ده لما الواحد يربطه بصفات ربنا ومعاملته الجميلة لينا يخليك تمرن قلبك وعقلك أنه يربط كل المشاهد اللي بتعدي عليك بحب ربنا لنا، فتكون دائمًا مع الله، فتشعر بالسند والقوة والتفاؤل تجاه مستقبلك أنك لست وحدك بل معك مدد الإله يؤيدك وينصرك ويحميك، تسلم أيدك يا تامر».