نشر تامر حسني صورة تجمعه مع منتج فيلم «بحبك»، عبر حسابه الخاص بموقع التواصل الاجتماعي لتبادل الصور والفيديوهات «انستجرام».
وعلق عليه قائلًا: «اخويا الغالي حبيب قلبي حسام، ربنا يوفقك في انتاج الفيلم اللي جاي (( بحبك )) ان شاء الله ربنا يكرمك على قد تعبك انت و حبيبي و عشرة عمري الأستاذ احمد الدسوقي و حبيب قلبي المحترم استاذ احمد بدوي في انتاج الفيلم ، كلكوا تعبتوا و كل ابطال الفيلم و كل فريق العمل من صُناع و عُمال و إن شاء الله ربنا يكرمنا كلنا ».
View this post on Instagram
تامر حسني و هنا الزاهد من فيلم بحبك
من جانبه كان قد شارك الفنان تامر حسني، صورة تجمعه بالفنانة هنا الزاهد، عبر حسابه الشخصي بموقع التواصل الاجتماعي، لتبادل الصور والفيديوهات القصيرة، انستجرام، وعلق قائلًا: مساء الهنا على اغلى ناس على قلبي انا دي صور من اول يومين تصوير لفيلمنا الجديد ( بحبك ).
وواصل: طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في احداث فعلاً محيره جداً.
وأردف: الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد، مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم، ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله.
وأختتم تامر حسني قائلًا: للأسف لسه مصورش علشان انزل صوره بس في اول يوم تصوير له ههريه صور و انتظروا بعد ايام انضمام نجمه جميله مميزه من نجوم المستقبل” اللي هيكون ليها مستقبل كبير ان شاء الله، وفرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي.