عبر الفنان تامر حسني عن مدى سعادته بـ حفلته التي أقيمت أمس بـ محافظة الإسكندرية، ونشر فيديو من الحفل أمس، عبر حسابه الخاص بموقع التواصل الاجتماعي لتبادل الصور والفيديوهات «انستجرام».
وكتب: «في اسكندريه إمبارح مكانتش حفله كان حدث مش عادي بجد عيني مكانتش عارفه تجيب آخر الجمهور حضوركم الكريم ده هفضل فخور بيه طول عمري ، اتشرفت بتقديمي ل ١٣ موهبه مصريه من مختلف محافظات مصر و فعلاً كسروا الدنيا بأصواتهم اللي فوق الرائعه و عازف الساكس الصاعد المتميز اللي قدمته و موهبته كانت مفاجئه كبيره للجمهور».
وواصل حديثه: «فخور بالتنظيم استاذ ادهم بكري الشاب الجميل الاسكندراني اللي كان بيحبني من و هو ١٥ سنه و قولتله لو بتحبني اوي لازم تنجح و وعدني انه هينجح و النهارده عنده ٣٠ سنه و من كبار منظمي حفلات اسكندريه ، و يكون صاحب الحفل الاضخم في تاريخ حفلات مصر بشكر رجال الأمن كل الشكر مجهود عظيم في دخول و تأمين عدد خرافي زي دا لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفله هيكون اوضح ان شاء الله شكراً طلاب الاسكندريه حبايب قلبي شكراً لكل شعب اسكندريه العظيم الراقي المحترم شكراً لكل الوحوش اللي تعبوا في المسرح الكبير ده و إخراج الحفله بالشكل العظيم دا اللي يليق بإسكندريه و شعبها».
View this post on Instagram
أخر أعمال تامر حسني
وفي سياق أخر، قدم تامر حسني فيلم «بحبك» في عيد الاضحى الماضي، ويتم عرضه حاليًا في دور العروض السينمائي، وحقق الفيلم نجاحًا كبيرًأ فور عرضه ، وحاز على إعجاب الجمهور ، وشارك في بطولة الفيلم كل من هنا الزاهد، وهدى المفتي، وحمدي المرغني، وغيرهم من النجوم.