قال الفنان تامر حسني، إنه لا يربط أغانيه بحياته الشخصية، مشيرًا أنه يكن كل الاحترام والتقدير لطليقته بسمة بوسيل.
وكتب تامر حسني عبر ستوري على حسابه الشخصي بموقع تبادل الصور والفيديوهات القصيرة انستجرام، حيث قال: ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولًا مش أنا اللي ممكن أعمل كده.
وأضاف: رغم الظروف الحالية.. مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر.
وتابع تامر حسني: تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا.
واختتم تامي حسني حديثه مازحًا: ده لسة في أغاني توجع أوي نازلة قريب إن شاء الله.. كده مش هنزلها.
آخر أعمال تامر حسني
وفي سياق أخر، كانت آخر أعمال تامر حسني فيلم تاج، الذي تم عرضه في موسم أفلام عيد الأضحى 2023، وحقق الفيلم نجاحا ساحقا، وشارك في بطولة الفيلم عدد كبير من نجوم الفن أبرزهم دينا الشربيني، وعمرو عبد الجليل، وهالة فاخر، وساندي، ةالفيلم من تأليف تامر حسني، وإخراج سارة وفيق.