أعرب الفنان تامر حسني عن فرحته العامرة بـ فيلم «بحبك»، وبعد قيامه بـ إخراج وتأليف وهذه هي التجربة الأولى له، بالإضافة إلى تلحين الموسيقى التصويرية الخاصة بالفيلم.
وقال تامر حسني خلال مداخلة هاتفية مع المذيعة لينا الطهطاوي في برنامج «كلاكيت» المذاع عبر فضائية نجوم إف إم : «في أسباب كتير للإيرادات اللي حققها الفيلم، ربنا بيكرم على قد المجهود وإحنا كلنا تعبنا».
وأضاف: «في مشاعر محدش بقى محدش يتكلم فيها وكنت عاوز أعمل حاجة جديدة، وأنا قيستها مع المنتجين على الأغاني وهما بيقولولي لأ، وسألتهم هل لما عملت ناسيني ليه، وكفاياك أعذار محدش سمعها، وقررت أتعامل مع الفيلم على إنه كليب كبير».
وتابع: «دي وجهة نظري وعشان كده كنت المؤلف والمخرج وعملت الموسيقى التصويرية، أنا حسيت إن الفيلم ده ابني وتعبت فيه من كل الاتجاهات، وهي تجربة الله أعلم هكررها ولا لأ».
وواصل: «الفيلم فيه مشاعر لازم توصل للناس، وملفات الحب والعواطف بين الراجل والست، والشاب والبنت لازم تتفتح، ومحدش بقى بيناقش الموضوع ده، الأفلام كلها بتناقش ذي بعضها، الناس محتاجة المشاعر والحنية، وتحس إن في ناس شبههم بيمثلوا، وأخيرا إحنا كشباب شايفين نفسنا في الفيلم، وممكن حد كبير لكن عدى بموقف مشابه أو واحد صاحبه، عشان كده لمس الناس، وصحيت النهاردة على خبر سعيد إنهم مدوا عرض الفيلم أسبوع في أمريكا وكندا».
قصة فيلم «بحبك» لـ تامر حسني
تتسم قصة الفيلم بالتشويق والرومانسية الممزوجة بالكوميديا والدراما، حيث تدور الأحداث حول حياة رجل يقع في حب فتاتين لكل منهما شخصية مختلفة عن الاخرى، وجمال مختلف، ويعيش هذا الرجل قصتين حب بكل معانيهما مع الأثنتن دون أن شعر واحدة منهما، ولكن في الأخير ينفضح أمره، وتنقلب حياته رأسًا على عقب.
فيلم “بحبك” من تأليف وإخراج تامر حسني، وبطولة هنا الزاهد، حمدي الميرغني، هدى المفتي، مدحت تيخة، شهد الشاطر، وعالية راشد، ويعتبر الفيلم أول تجارب تامر الإخراجية.
يعتبر الفيلم التعاون الثاني الذي يجمع بين هنا الزاهد وتامر حسني، وذلك بعد أن ألتقيا للمرة الأولى في مسلسل “فرق توقيت” مع الفنانة نيكول سابا، الذي عرض عام 2014.