أعلن الفنان
تامر حسني، عن رغبته في الانتشار الأكبر لفيلم “مش أنا”، الذي طرحه خلال العام الماضي بالمشاركة مع الفنانة المعتزلة حلا شيحة، موضحًا أصعب المشاهد التي كتبها في الفيلم.
وكتب تامر عبر حسابه الرسمي بموقع التواصل الاجتماعي “إنستجرام”: “مشهد ( الحمدلله ) من فيلم مش أنا يمكن اهم حوار كتبته في حياتي، واتمنى ياخد نصيب كبير اوي في الإنتشار عشان واثق ان كلامه كتير منكم محتاجين يسمعوه و هيكون علامه جميله لناس كتير محبطه و مستنيه التشجيعه دي عشان يقوموا و يحققوا اللي ناقصهم لما يركزوا ان في ناس ظروفهم كانت اصعب منهم و قدروا يوصلوا و ينجحوا”.
وأضاف: “يعني الموضوع فينا احنا مش في الظروف ظروفك الصعبه دي ممكن تصنع منك بطل ، انت اللي هتحدد و هتقرر ظروفك هتصنع منك ايه قوم يلا ينفع تحلم تاني و عاشر الحلم ملوش وقت ولا سن و الوقت مش متأخر ولا حاجه و مادم بتصحى من النوم بتلاقي نفسك عايش يبقى ربنا لسه عايزك و عندك مُهمه في الحياه قوم دور عليها ربنا مخلقكش فاضي بالعكس عندك كتير بس الشاطر كل ما يدور هيلاقي و زي ما كتبت في حوار الفيلم (المريض الحقيقي هو اللي معندوش طموح )”.
والفيلم بطولة تامر حسنى وحلا شيحا وسوسن بدر وماجد الكدوانى وحجاج عبد العظيم وشيرين وفايز المالكى وعدد أخر من الفنانين بالإضافة إلى عدد من ضيوف الشرف ومنهم محمد عبد الرحمن ومن تأليف تامر حسني وإخراج سارة وفيق .
وتدور قصة الفيلم حول شاب يدعى حسن والذي يجسد دوره الفنان تامر حسني وهو مصاب بمرض نفسي ودائم التواجد مع والدته الفنانة سوسن بدر لأنها أيضا مريضة.
الجزء الثاني من فيلم البدلة للنجم تامر حسني
من جانبه كان قد كشف الفنان تامر حسني عن وجود جزء ثاني لفيلم البدلة، الذي عرض في عام 2018، وشاركه به الفنان الكوميدي أكرم حسني ونال اعجاب الكثير.
وعلق تامر حسنى على منشور للمخرج محمد العدل، شارك به جمهوره عبر حسابه الشخصي بموقع التواصل الاجتماعي فيسبوك، وجاء محتواه صورة من كواليس فيلم البدلة، وكتب تامر حسني: واحشني يا مندو إنت وكل فريق الفيلم العسل ده، ومبروك ليك نجاح مسلسلك ومبروك لكراميلة حبيب قلبي كسر الدنيا السنادي بمسلسله العسل، وإن شاء الله نبسط الجمهور مرة تانية بالبدلة الجزء التاني.