حلت الفنانة بوسي ضيفة في برنامج العرافة الذي تقدمه الإعلامية بسمه وهبة، واستكملت بوسي تصريحاتها في الجزء الثاني من الحلقة وتحدثت عن العديد من الأشياء والاسرار.
ويستعرض لكم موقع أوان مصر أبرز التصريحات التي قالتها بوسي خلال برنامج العرافة
وقالت بوسي: «سعد الصغير وغيره كانوا بيستغلوا أبويا ضدي، وبيروحوا يدوله فلوس ويخلوه يتكلم علشان يستغلوني مهو مش هيلاقوا ماده خام أحسن من كده وهو كان طماع وعايز فلوس»
وتابعت: «كان بيقولي أخوكي مبيوصليش الفلوس، هو في أكتر من أنه أكون لسه بعتاله فلوس ألاقيه تاني يوم يطلع يقول أني مبردش عليه ورامياه؟ إمتى رميته؟وأنا منعت عنه الفلوس وقتها لأني معملتش فيه حاجة وحشة، وهو اللي عمل».
واستكملت: «سعد كان عايز يركب التريند على قفايا، وممكن يكون حد زقه عليا، وأنا مستبعدش عن سعد أي حاجة، اللي ياخد شقة مرات أخوه المتوفى وياخد شقاها ودهبها ويديه لواحدة تاني مكنتش على ذمته وقتها مبستغربش».
وواصلت: «أول مرة أشوف راجل كده، وأنا متقارنش بيه ومعرفش اللي بيعمله ده غيرة ولا إيه، وهو عايز مني إيه ولا ده لمصلحة مين ولا بتعمل أي شو علشان الناس تاخد بالها منك، ليه ما بتصدق أي حد يقول حاجة تقوم فارش الملاية عيب».
واختتمت: أنا ياما عملت كتير وإخواتي عارفين، وأخويا اللي جاب أبويا يقعده في شقة أمي لأنه مبيدفعش الإيجار، وأنا عمري ما قصرت مع أبويا بالعكس كنت بعمل وهو الي بينكر عشان طماع.
برنامج العرافة
والجدير بالذكر أن برنامج العرافة هو امتداد لنجاح الإعلامية بسمة وهبة، والتي من خلاله تستقبل النجوم وتكشف عن أدق التفاصيل والخبايا التي تتعلق بهم وذلك من خلال فقرة تسمى بـ”شيخ الحارة”، وقد إستقبلت من خلاله عدد كبير من النجوم فى المواسم السابقة، ولقى نجاحا كبيرا وإهتمام كبير من الجمهور