تحدثت الفنانة أنغام عن أن أصعب لحظة في حياتها، وهي وفاة أختها الصغيرة غنوة، وعلى حسب وصفها أنها كانت اللحظة الأصعب على الإطلاق.
وقالت أنغام، خلال حوارها في برنامج الإعلامي الإماراتي أنس بوخش، بـ برنامج ABtalks عبر قناته الرسمية على يوتيوب: «كانت أصعب لحظة في حياتي على الإطلاق، خبطة كبيرة وقاسية جدا، مع إن علاقتنا مكانتش كويسة، لكن مكنتش عايزه أصدق خالص لحد ما أنا غسلتها بإيدي وكنت عايزه أصحيها».
أنغام: غنوة كانت بنتي مش أختي
وأضافت: «كان موقفا قاسيا جدًا مبحبش أدافع عن نفسي، ولا أتكلم عن حد مش موجود، لكن كل اللي أقدر أقوله بمنتهى الأمانة وبيني وبين ربنا عمري ما كنت سبب زعلها مني أو إن يبقى فيه بينا مشكلة، دي كانت بنتي مش أختي، والفرق بيني وبينها 16 سنة».
وتابعت: «هى عندها أسبابها الله يرحمها، ممكن لو عمرها طال شوية كانت الأمور تتغير وتعذرني، لكن ملقتش حد حنن قلبها، هما قسوا قلبها».
وأردفت: «أول حاجة وحشتيني جدا، وحشتني غنوة بنتي الصغيرة اللي كنت بسرح لها شعرها وأحميها في حضني تحت الدش، وياسين أحلى حاجة سابتها في الدنيا، سابتلي نعمة وهدية كبيرة وحتة من قلبها، وهو في عينيا».
لمتابعة أوان مصر عبر يوتيوب اضغط هنا
لمتابعة أوان مصر عبر فيسبوك اضغط هنا