عبر يوسف، نجل الفنان الراحل أشرف مصيلحي الذي رحل عن عالمنا أول أمس بعد صراع طويل مع المرض، عن شدة اشتياقه لوالده، حيث وجه له رسالة مؤثرة .
وشارك يوسف أشرف مصيلحي، عدد من الصور بصحبة والده الراحل، عبر حسابه الشخصي بموقع تبادل الصور والفيديوهات القصيرة انستجرام، وكتب عليها، قائلًا: الله يرحمك يا أطيب وأجدع وأحن أب في الدنيا وكان نفسي تكون موجود وشايف حب الناس وروحك الحلوة الموجودة في كل حد فينا.
وفاة أشرف مصيلحي
وأضاف نجل أشرف مصيلحي: تشوف الناس كلها بتقول عليك إيه من أصغر واحد لحد أكبر واحد، وأنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه وده عشان إحنا كنا صحاب وكنت بتفهمني وعارف دماغي.
وتابع: أنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين وحاسس أكيد بكل المحبة اللي كانوا موجودين اليومين دول وهيفضلوا موجودين على طول، ودلوقتي أنا هعرف اتكلم معاك وعارف أنك هتسمعني يمكن أكتر من آخر فترة كنت موجود وسطنا عشان كنت تعبان فا مش بعرف اتكلم معاك.
واختتم حديثه، قائلًا: أنا عايزك تعرف إني بحبك أوي وهفضل شايل اسمك وأنا فخور إنك أبويا لحد لما أجيلك إن شاء الله.. بجد بحبك أوي يا بابا وعارف أنك أكيد في الجنة إن شاء الله.
لمتابعة أوان مصر عبر يوتيوب اضغط هنا
لمتابعة أوان مصر عبر فيسبوك اضغط هنا