عبرت المطربة أنغام عن شدة سعادتها بـ نجاح حفلها في مدينة جدة بالمملكة العربية السعودية، الذي أُقيمت أمس الخميس على مسرح بنش مارك.
وقالت أنغام في المؤتمر الصحفي الخاص بـ حفلها في مدينة جدة: مفيش وصف حقيقي ومفيش كلام أوصف بيه اللي حصل في الحفل، وجمال الجمهور والحب اللي أنا حاسه بيه والفرحة، فرحوا قلبي جدًا وحسيت أن تعبي كله النهاردة توج، لما الجمهور يغني معايا كلمة كلمة حتى الأغاني الصعبة اللي مش معتاد يغني فيها.
وأضافت: كأن الجمهور مولود النهارده وحاجة عجيبة، وكان جمهور رائع ويفرح وده اللي أنا عايشة عشانه، وجمهور جدة كان واحشني جدًا؛ لأني كان بقالي سنة غايبة عنهم، وكنت عايزة أعمل حفلة حلوة وهما فاجئوني وهما اللي عملوا الحفلة، وأعتقد الحفلة دي هتتكتب في التاريخ والجمهور كان غير عادي.
وعن إمكانية طرحها أغنية طربية طويلة، قالت أنغام: الأغنية الطويلة فكرة مطروحة ولكنها مش سهلة أوي، بس الأغنية الطربية موجودة يعني الجملة الطربية بنشوفها في معظم الأغاني اللي بغنيها، زي أغنية أناني دي لحنها طربي شرقي على أصوله.
كما تطرقت في حديثها عن غنائها باللهجة الخليجية، حيث قالت: أنا بسمع خليجي من صغري وكأني اتعلمت لغتي ولهجتي، ومش حاسة إن في فرق واللهجتين بحبهم، ولكن يمكن في الخليجي بغني أحسن ما أتكلم بيه لأن اللحن بيحكمني.