حرص الفنان حمزة نمرة على التعليق عن حادث مستشفى المعمداني في غزة والتي تم قصفها مساء أمس من قبل الاحتلال الإسرائيلي، وأعرب عن شدة استيائه لما شهدته غزة خلال الفترة الراهنة .
وتابع: قلبي واجعني على اللي ماتوا ومش عارف أنام من القهر فـ مسكت المصحف وقرأت كلام ربنا فـ روحي هدأت وأطمنت عليهم، تخيلوا كل اللي كانوا في المستشفى بآلامهم وأوجاعهم وعطشهم وجوعهم ولهفتهم على عيالهم، وعيطهم وقلة حيلتهم، في غمضة عين في أسرع من غضمة عين أتبدل حالهم لحال ما أعظمه وما أجمله لنعيمك يارب”.
وأضاف حمزة نمرة: “فرحين بما أتاهم الله من فضله وخلاص مفيش خوف ومفيش حزن مفيش كل العالم البائس المجنون ده في غمضة عين بقوا منعمين في النعيم الأبدي، ومين يستحق أكتر منكم يا حبايبي؟”.
واختتم حمزة نمرة حديثه قائلًا: ياللي كل العالم خذلكم ودور وشه الناحية التانية الجنة طبعًا ليكم أومال هتكون لمين؟ إحنا شيلتنا تقيلة أوي، لكن أنتوا مين قدكم وقد فرحتكم دلوقتي، ألف حمد وشكر يارب يا عدل يا رحمن يا رحيم ألف ألأف حمد وشكر، أمنت يارب بك وباليوم الآخر إنا لله وإنا إليه راجعون يقينًا”.