علقت الفنانة منى فاروق عن قرار اعتزالها الفن والسوشيال ميديا، خلال مداخلة هاتفية لها بـ برنامج خط أحمر على شاشة قناة الحدث اليوم.
وقالت منى فاروق: أنا تواصلت مع كل المخرجين، وكلمت أشرف زكي قالي أنتي مش نقابية، ومحدش راضي يديني كارنيه النقابة ومش بيتقال ليه، ومحمد السبكي لما قابلته في دبي واتصورت صورة، قالي مش هقدر اشغلك عشان أنا بتهاجم بسببك.
وأضافت: أنا مش متجوزة وبصرف على بيتي وأهلي، وعايزة أبقى شريفة واشتغل بالحلال، ومش عايزة أعمل أي حاجة وحشة ولا أي حاجة حرام، وفيه ناس على السوشيال ميديا بتهاجمني، وفيه ناس بتقولي اشتغلي حاجة تانية، هاتهالي بس اضمنلي أن مدير الحاجة التانية ميطلبش مني حاجة قلة أدب، ودا اتعرض عليا وسيبت الشغل.
وتابعت: أنا اتسجنت 4 شهور ونص في سجن القناطر وكانت مرحلة بشعة، وروحت لدكتورة نفسية قالتلي مستحيل تتخطي اللي حصلك من غير ما تشتغلي، واتعرض عليا حاجات وحشة وحرام بعد الأزمة بمقابل مادي وأنا رفضت، أنا سيبت شقتي وبيعت عربيتي ومش معايا فلوس، وفكرت في الانتحار أول امبارح.