رد السوبر ستار تامر حسني على تعليق الداعية مصطفى حسني على أخر منشور له، وذلك عبر حسابه الشخصي بموقع الصور والفيديوهات القصيرة«انستجرام».
وكتب تامر حسني لـ مصطفى حسني علي اخر منشور قام بنشره:«مش قادر اوصفلكم فرحتي بتعليق حبيبي وحبيب الكل الانسان المحترم الداعية مصطفى حسني على البوست الأخير».
واستكمل: «تعيش يا حبيبي وتجمعنا وتشجعنا على الخير اللي جوانا، ردك درس كبير بيوضح ان الناس مهما كانت اتجاهاتهم ممكن يتلاقوا في منطقه مشتركه ولو كانت منطقة صغيرة مع التشجيع تكبر وتزيد، ردك بيفتح باب الامل لناس كتير فاكرين انهم بعيد والحقيقه انهم قريبين بقلوبهم الجميله، ردك اسعدني وشرفني واعتقد شرّف كل متابعيني لان كلهم بيحبوك وبيتابعوك ولو في قلة مش متابعين بطلب منهم يتابعوك».
وانهى تامر كلامه بـ: «انت شخص لازم نشكر ربنا عليه إنه في زمنا كلمنا بيه، عرفت تخاطب الاجيال بطريقه بسيطه حليمة توصل ليهم في هذا العصر المليء بالتغيرات والافكار الحديثة المشوهه والمفاهيم الخاطئة، ربنا يقدرك يا حبيبي وينفع بيك كل الناس».
وكان قد شارك تامر حسني مقطع فيديو عبر حسابه الشخصي بموقع الصور والفيديوهات «إنستجرام» يقدم فيها نصيحة لجمهوره تعطي شئ من الأمل والتفاؤل.
تامر حسني يوجه نصيحة لـ جمهوره
وكتب تامر على الفيديو قائلًا:«المكنة دي بتهرس عربيات في ثواني لجوه وتبلعها ولا يمكن شئ يفلت من قوتها، تخيلوا بقا الصفيحة الضعيفة دي كل المكنة دي مش قادرة عليها، قد يكون المشهد ده له مبررات فنية تانية بس معبرة جدًا عن المعنى اللي مركبه صاحب رؤية الفيديو، عجبني حبيت أشارك بيه من يهمه المعني وكان محتاج يشوفه أكيد منكم كتير محتاج للمعنى ده علشان يطمنه ويقويه وإلا مكنش أتحرك قلبي علشان انشره لعدد كبير زيكم».
وكتب مصطفى حسني تعليق على الفيديو قائلًا:« الله يا صاحبي على المعنى الجميل ده، أن تشاهد ريك في كل شئ فلا تغيب عنه ابدًا، مشهد زي ده لما الواحد يربطه بصفات ربنا ومعاملته الجميلة لينا يخليك تمرن قلبك وعقلك أنه يربط كل المشاهد اللي بتعدي عليك بحب ربنا لنا، فتكون دائمًا مع الله، فتشعر بالسند والقوة والتفاؤل تجاه مستقبلك أنك لست وحدك بل معك مدد الإله يؤيدك وينصرك ويحميك، تسلم أيدك يا تامر».