ردت المطربة ميرا مخايل على تصريحات الفنان محمد عطية، التي أوضح فيها أن انفصالهما منذ سنوات كان بسبب اختلاف الديانة.
وقالت ميرا مخايل في مقطع فيديو لها عبر حسابها الشخصي على موقع الفيديوهات تيك توك: أنا استغربت من بعد كل السنين دي الموضوع بيتحكي فيه، ودا دليل على محبتكم الكبيرة اللي أنا كتير بقدرها، أنا ومحمد عطية لسه على تواصل ولسه صحاب.
وأضافت: وفيه مودة ومعزة بيننا، ومع مرور الوقت أكيد دا مش هيتغير، بس مش بلوم محمد، لأنه بعد كل السنين دي فيه تفاصيل مهمة ناسيها، انصالنا مكانش ليه علاقة نهائيًا بالدين بل لأسباب أخرى مش هقولها بعد كل الفترة الطويلة اللي مرت.
وكان تحدث محمد عطية عن تفاصيل علاقته بالفنانة اللبنانية ميرا مخايل، موضحًا أنه كان يحمعهما قصة حب قوية خلال فترة مضت ولكنها انتهت بسبب اختلاف الديانات بينهما.
وقال محمد عطية خلال تصريحات إذاعية له: كنت بحبها فعلًا في برنامج ستار أكاديمي، وفضلنا 3 سنين ونص متصاحبين بعد برنامج ستار أكاديمي، وهي دلوقتي متجوزة وهي صديقة رائعة، ومكملناش بسبب اختلاف الدين.
كما واصل حديثه كاشفاً عدم اهتمامه بهذه القضية ، حيث قال:”أنا معنديش مشكلة في الحاجات دي وعندي اعتقاد شخصي أن الحب بيتزرع في قلب الإنسان من ربنا، والدين فكرته كلها تهذيب البشرية والناس تكون بتحب بعض، لو بتعملي ده إيه المطلوب تاني غير كده؟ وفي الآخر إحنا في حياتنا عايشين علشان نتبسط كل اللي حوالينا ده ديكور”.
لمتابعة أوان مصر عبر يوتيوب اضغط هنا
لمتاعبة أوان مصر عبر فيسبوك اضغط هنا