قدمت ريم طارق، طليقة مطرب المهرجانات الشعبي حسن شاكوش، رسالة بعد أن أعلنا أمس انتهاء جميع الخلافات بينهما بشكل ودي.
وكتبت ريم طارق عبر حسابها الشخصي بموقع تبادل الصور والفيديوهات القصيرة إنستجرام: اللهم لك الحمد الموضوع خلص على خير ودا اللي كنت بتمناه من البداية، خراب البيوت وحش ومش ترند دا إن أبغض الحلال عند الله الطلاق اجتنبوا كثيرًا من الظن إن بعض الظن إثم، ربنا ما يكتب على أي حد التشتيت أو تفريق القلوب، ربنا يكتبلنا الخير ويعوضنا في اللي جاي ويبعد عنكم جميعًا خراب وهدم البيوت.
وكان شارك حسن شاكوش مقطع فيديو عبر حسابه على إنستجرام، أعلن خلاله انتهاء الخلافات بينهما، قائلًا: أنا طالع من خلال الفيديو بقول إن أنا وريم حبايب ومفيش أي خلافات ولا مشاكل ومن خلال الفيديو بشكرك جدًا يا ريم إنك قولتي كلمة حق ومشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية.
وتابع شاكوش: إحنا خلاص حبايب مفيش أي حاجة وهي كانت في يوم من الأيام مراتي ومكنش ينفع أجرح فيها بأي كلمة أو أتكلم أي كلمة تجرحها لا الحمد لله الموضوع خلص على خير وأنا وريم حبايب دلوقتي ويا رب يقدركم على فعل الخير وبشكر كل الناس اللي بتحبني وبتحب ريم.