حرص الفنان مصطفى قمر على الرد على انتقادات الناقد الفني طارق الشناوي على فيلمه الجديد أولاد حريم كريم، والذي تم طرحه في السينمات المصرية منذ أيام قليلة.
وكتب مصطفى قمر عبر حسابه الشخصي بموقع تبادل الصور والفيديوهات القصيرة انستجرام، موجهًا حديثه لـ طارق الشناوي: “هو أنا مش طلبت منك تبعد عني أصلًا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني (فكرني كدة شغلتك ايه….؟…. هي من اربع حروف بيتهيألي”.
طارق الشناوي: أولاد حريم كريم من أسوأ الأفلام
وكان قد تحدث طارق الشناوي خلال حواره مع برنامج et بالعربي عن أولاد حريم كريم، قائلًا: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.
وأضاف: ومشكلة مصطفى قمر أنه عايش على الزمن القديم، ولما بتفشل كمطرب مش هتصعدك السينما، ومصطفى في عز فشله كمطرب قرر أنه يعمل فيلم، مع ناس مش مطلوبين أوي في السينما والوحيدة اللي كان ليها اسم ياسمين عبد العزيز عشان كدا هي الوحيدة اللي قالت لا.
واختتم الشناوي حديثه، قاشلًا: الكتابة في الفيلم قديمة أوي والتفاصيل دي مبقتش تجيب وتضحك ف الفيلم افتقد الضحك، ومصطفى افتقد الوهج، وساعة فيلم البطل كان ممثل وعنده حضور، لكن فقد كل دا.
لمتابعة أوان مصر عبر يوتيوب اضغط هنا
لمتابعة أوان مصر عبر فيسبوك اضغط هنا