حرص مطرب المهرجانات حمو بيكا، على الرد على الهجوم التي تعرض لها مؤخرًا بعد انتشار مقطع فيديو عبر مواقع التواصل الاجتماعي، جاء من خلاله وهو يهدي زوجته قلادة ذهبية ضخمة احتفالًا بعيد ميلادها.
وقال حمو بيكا في تصريحات تلفزيونية له: الناس فاهمة إن كل حاجة عندي ذهب، عايز أقولهم سيبوا الملك للمالك، واسعد مراتك ولو بحاجة صغيرة، أنا جيبت لها سلسلة، لأنها بنت ناس وأهلها مبسوطين، كان عندها دهبها، وليها ورث ادتني ورثها من قريب وجيبتلها بيه السلسة، ومش كيلو دهب زي ما الناس بتقول دي حاجة من ورثها.
وتابع حمو بيكا: الناس فاهمة إن الحياة كلها ذهب، زي ما قالوا إني عملت عربيتي بالذهب، ده ورق اسمه ورق عيار 24، هل أنا هكسي عربية كلها من الدهب لية أنا معايا كام.
وأردف حمو بيكا: هي شايفاني بصرف وقالت خدهم، ومفيش فرق بيني وبين مراتي في حاجة المهم تكون مبسوطه، وهي بتطلب دايما حاجات أون لاين وخاربة بيتي، لكن أنا فرحان.
وأضاف حمو بيكا: الناس وأخده حمو بيكا إلا معاه مليارات، في حاجات كتير بعملها مش لازم أعرف الجمهور بيها.. وفاتح بيوت كتير.. لو هروح البيت في أخر اليوم معايا 1000 أو 2000 جنيه أنا راضي بيهم الحمد الله.