أصيب الفنان أحمد فرحات بطل فيلم سر طاقية الإخفاء، بجلطة في المخ بشكل مفاجئ، مما جعل أسرته تقوم بنقله لـ المستشفى للإطمئنان .
وقال أحمد فرحات خلال تصريحاته الخاصة لـ أوان مصر: اتفاجئت كل شئ كان طبيعي حسيت بتعب بسيط روحنا المستشفى الدكاترة قالوا جلطة في المخ أثرت على الجزء الشمال من الجسم وأثرت على النطق بشكل بسيط .
إصابة أحمد فرحات بجلطة في المخ
وأعرب بطل فيلم سر طاقية الإخفاء عن شدة إرضائه بقضاء الله، مطالبًا جمهوره بالدعاء لها بالشفاء العاجل .
وكان قد كشف الفنان أحمد فرحات من قبل عن رغبته في العودة إلي التمثيل مرة أخري، كنوع من الاحتياج الفني وليس المادي.
وأضاف في تصريحات تليفزيونية :’ أي دور هعمله هضيفله لوني ومن خبرتي القديمة علشان يطلع حلو، على سبيل المثال جابوني في مسلسل العيلة دي وقالولي مشهد خمس دقايق، روحت لقيت الكلام مش عاجبني روحت ضيفتله من عندي، أنا قادر على إني اعمل حاجة هادفة.
وعن سبب أجره الضعيف في العمل قال:’ أخدت أجر وكل حاجه بس مبطلبش أجور كبيرة لأني محتاج الفن مش الماديات.
وأشار أنه لا يفضل استغاثات النجوم على السوشيال ميديا، قائلًا:’ مينفعش الفنان يطلع يقول أنا كنت بقسم علبة كشري مع ابني، لأنك راجل فنان واللي بيتفرج عليك تعبان ونفسه يشوف حاجه حلوة ليه يتنكد عليه.