انضمت الفنانة حورية فرغلي لـ فيلم ديجافو مؤخرًا، ومن المقرر أن يكون هذا الدور مختلف عن أي عمل قدمته من قبل، ويأتي ذلك بعد خضوعها لعملية جراحية في الأنف خلال الأيام القليلة الماضية .
شاركت حورية فرغلي مقطع فيديو لها عبر حسابها الشخصي بموقع تبادل الصور والفيديوهات القصيرة الإنستجرام، تكشف من خلاله تفاصيل فيلمها الجديد فيلم ديجافو التي انضمت له خلال الأيام الماضية، وكتبت عليه قائلًة: “انتظروني من جديد بشكل جديد”.
وقالت حورية فرغلي خلال الفيديو: “أنا طالعة لكم النهاردة عشان أقولكم أنا من 2018 كان آخر عمل ليا عملته مملكة الغجر ومن سنتين عملت مسلسل أيام وفي جزء لسه منزلش، الخبر اللي عايزة أقوله لكم من ساعة ساحرة الجنوب الناس شافتني بطريقة مختلفة عن كوكي وعن سيدنا السيد والمنتقم وعن نظرية عمتي وعن بدون ذكر أسماء”.
وتابعت: “عملت شخصيات كتيرة مختلفة تمامًا، أنا بذاكر من دلوقتي أنا عندي فيلم من أقوى الأفلام اللي أنا هعملها إن شاء الله هو ديجافو هو حاجة جديدة متعملتش قبل كده”.
تعاقد حورية فرغلى على فيلم ديجافو
وأعلنت حورية فرغلي انضمامها لفيلم ديجافو من خلال حسابها الشخصي بموقع تبادل الصور والفيديوهات القصيرة إنستجرام، قائلة: “أنا طالعة النهاردة مخصوص عشان أقولكم أحلى خبر، بقالي كتير متبسطش زي النهاردة”.
وأضافت حورية فرغلي قائلًة: “الحمد لله أنا لسه ماضية فيلم اسمه ديجافو، مع المخرج الأستاذ عيد العربي، والمنتج أيمن فهمي، يمكن تستغربوا وتقولوا اشمعنا دلوقتي، أنا هدخل دلوقتي سينما، لأن كان معروض عليا حاجات كتيرة جدًا بس ملقتش أي حاجة جديدة، أنا عملت شخصيات كتيرة أوي بس معملتش الدور دا قبل كده، والدور ده يعتبر من أصعب الأدوار اللي هعملها في حياتي”.